Astananyń 16 jastaǵy turǵyny Býrabaıda kóz jumdy, dep habarlaıdy Egemen.kz Nayzakokshe Instagram paraqshasyna silteme jasap.
Keshe, 5 mamyrda astanalyq 18 oqýshy Aqmola oblysynyń Býrabaı kýrorttyq aýylyna ekskýrsııaǵa barǵan. Eki dos velosıped jaldap, serýendeýge shyqqan. Jas jigit tizginge ıe bola almaı, aǵashqa soǵyldy.
Saldarynan aýyr dene jaraqattaryn alǵan oqýshy es jınamastan oqıǵa ornynda jan tapsyrdy.
Aqmola oblysynyń polısııa departamenti qaýipsizdik talaptaryna saı kelmeıtin qyzmet kórsetý faktisi boıynsha qylmystyq is qozǵady.
«Kámeletke tolmaǵan bala velosıpedti jalǵa alyp, aǵashqa soǵylǵany anyqtaldy. Ol alǵan jaraqattarynan oqıǵa ornynda kóz jumdy. Qazirgi ýaqytta saraptamalar taǵaıyndalyp, tergeý amaldary júrgizilip jatyr», dep habarlady polısııa qyzmetkerleri.