Iri kompanııalardyń qoldaýy

Aqtóbe oblysynyń ákimi Ashat Shaharovtyń aıtýynsha, óńirde jaǵdaı turaqtandy, ózenderdegi sý deńgeıi tómendep keledi. Yrǵyz, Muǵaljar, Temir, Oıyl, Qobda, Áıteke bı aýdandarynda jáne Aqtóbede jergilikti deńgeıde TJ rejimi áli de jalǵasady.

Apattan barlyǵy 4600 tur­ǵyn úı zardap shekti. Búgingi tańda 1 myńnan astam úı men saıajaı tekserilip, onyń 641-i jóndeýge jatpaıtyny anyqtaldy.

«BI Group» holdıngi Áıteke bı jáne Muǵaljar aýdandaryn­da 40-qa jýyq úı salýǵa kiris­ti. Sondaı-aq kompanııa Aq­tóbe qalasynda baspanasyz qal­ǵan­darǵa 34 páter satyp alady. Ju­mysty tamyzdyń ortasynda aıaq­taý josparlanǵan. Bul maqsatqa kompanııa 2 mlrd teńge bóldi.

«Sý tasqyny kezinde apatqa qarsy kúreske barlyǵy 5 mlrd teńge bóldik, onyń 2 mlrd-y Aqtóbe oblysyna baǵyttalady»,  dedi Aıdyn Rahymbaev.

Qobda aýdanynda qosymsha 150 turǵyn úı salýǵa, sondaı-aq Aqtóbe qalasynda jáne oblys aýdandarynda 269 páter men úı satyp alýǵa «Vernyı Kapıtal» kompanııasynyń negizin qalaýshy Bolat О́temuratovtyń jeke qory demeýshilik etpek.

«Jalpy, Aqtóbe oblysyna 11,5 mlrd teńge bólinedi. О́tken aptada Áıteke bı aýdanynyń Júrgenov aýylynda jańa úıler satyp alyna bastady. Alǵashqy bes úı zardap shekkenderge berildi. Osy aptada taǵy 15 úıdi tapsyrý josparlanyp otyr», dedi Dáýren О́temuratov.

ERG kompanııa­lar toby óńirge shamamen 15 mlrd teńge bóledi.

«ERG barlyq kásiporyn­dary sý tasqynynyń saldaryn joıý úshin qoldan kelgenshe kó­mek kórsetedi. Kompanııalar toby­nyń aksıonerleri qalpyna kel­tirý jumystaryna shama­men 40 mlrd teńge bóldi. Aq­tóbe oblysynda bizdiń kompanııa­lar tótenshe jaǵdaıdyń alǵashqy kún­derinen bastap jergilikti atqarý­shy organdarmen birlese jumys isteýge kiristi. Biz tehnıka berdik, sonymen qatar volon­ter­lerimiz de belsendi kómek­tesip jatyr», dedi Sergeı Prokopev.

Vıse-premer Qanat Bozym­baev halyqpen kezdesý barysynda óńirdegi jalpy ahýal, zalaldy óteý jáne turǵyn úılerdi qalpyna keltirý týraly aıtyp berdi.

Atap aıtqanda, jalpy somasy 877 mln teńge bolatyn 100 AEK mólsherindegi alǵashqy birjolǵy kómek 2700 otbasyna berildi. Joǵalǵan nemese búlingen múlikti óteý aıasynda 344 otbasyna 600 mln teńge tólendi. Qalǵan zardap shekkenderge qarajat jaqyn arada tolyq tólenedi.

«Sý tasqynynan kelgen zalaldy joıý úshin jergilikti bıýdjetten 7,8 mlrd teńge qaras­tyrylǵan. Alaıda turǵyn úı qorynan basqa 136 shaqyrym joldy, 15 kópir men 23 áleý­mettik nysandy qalpyna kelti­rýi­miz qajet. Elimizge belgili iri kásipkerler kómek qolyn soz­dy. Biz Aqtóbe oblysyna úsh kom­panııany bekitemiz. «BI Group», «Vernyı Kapıtal» jáne «Qazhrom» birge óńirge turǵyn úı salýǵa, satyp alýǵa jáne ınf­ra­qurylymdy qalpyna kel­tirýge shamamen 28 mlrd teńge baǵyttaıdy. Turǵyn úı salý úshin ákimdik 26 merdigerdi anyqtady, qazirgi ýaqytta 63 úıdiń qurylysy júrip jatyr»,  dedi vıse-premer.

Yrǵyz aýdanynda 54 úı salýǵa taǵy 1,5 mlrd teńge «Qazaqstan halqyna» qorynan bólinedi.

Sonymen qatar Qanat Bozym­baev Aqmola oblysynyń ákimi Marat Ahmetjanovpen sý tasqyny saldaryn joıý boıynsha keńes ótkizdi.

Keńeske bıznes ókilderi – «Verny Capital» JShS bas dırektory Aıdan Aqanov, «Integra Construction» JShS basshylyǵy Andreı Kım men Qudrat Shamıev qatysty. Atal­ǵan kompanııalar basqa demeý­shilermen birge aımaqty qalpyna keltirýge atsalyspaq.

Aqmola oblysynda barlyǵy 1817 úı sý astynda qaldy, onyń 359-y apatty dep tanylsa, qalǵan úıler jóndeýge bolatyn baspanalar sanatyna jatady.

«О́ńirdegi úılerdi jóndeý men salýǵa barlyǵy 10,5 mlrd teńge qajet. Onyń 5 mlrd teńgesin  «Kaspi Bank», 1 mlrd teńgesin «RG Gold» kompanııalary bóledi. Aldaǵy ýaqytta shamamen 4 mlrd teńge tabý qajet. Ákimdiktiń aldyna 15 tamyzǵa deıin sý tasqynynan zardap shekken Aqmola oblysynyń barlyq turǵyny jóndelgen jáne jańadan salynǵan nemese satyp alynǵan úılerge kirýge tıis degen mindet qoıyldy. Jumys kestesi bar merdigerler anyqtalyp, barlyq tıisti qarajat bólinedi», dedi Q.Bozymbaev.

Halyqtyń qaýipsizdigin qamtamasyz etý jáne olardy sý basqan aımaqtardan kóshirý úshin Atbasar qalasynda 45 páterli eki turǵyn úı salý jos­parlanyp otyr. Sonymen qatar Bulandy jáne Jarqaıyń aýdandarynda 87 jeke úı salynbaq.

«Biz TJ rejimi jarııalanǵan óńirlerde: Kókshetaýda – 89, Jarqaıyń aýdanynda – 27, Esil aýdanynda – 22, Astrahan aýda­nyn­da – 34, Jaqsy aýdanyn­da – 10 daıyn páter men úıleri satyp alamyz. Qaýipsiz aımaqta barlyǵy 182 úı satyp alý josparlanyp otyr», dedi Aqmola oblysynyń ákimi M.Ahmetjanov.

Sondaı-aq jergilikti bılik oblystyń jol jáne ınje­ner­lik ınfraqurylymyn qaı­ta jań­ǵyrtýy kerek. Bul maq­sattarǵa Úki­met rezervinen qarajat bólinedi. Vıse-premerdiń tapsyrmasymen avtojoldardy, kópirler men elektr jelilerin qalpyna keltirý jumystary shilde aıynda aıaqtalýǵa tıis.