14 mamyr kúni saǵat 10:00-de Almaty qalalyq qylmystyq ister jónindegi mamandandyrylǵan aýdanaralyq sotynda Gúlmıra Satybaldanyń isi boıynsha aldyn ala tyńdaýlar ótedi, dep habarlaıdy Egemen.kz.
Sot ashyq túrde offlaın rejımde ótedi.
Gúlmıra Satybaldyǵa qylmystyq kodekstiń 126-baby 3-bóliginiń 3-tarmaǵy "Abaısyzda jábirlenýshiniń ólimine nemese ózge de aýyr zardaptarǵa ákep soqqan bas bostandyǵynan zańsyz aıyrý"; QK-niń 194-babynyń 3-bóliginiń 2-tarmaǵy "Asa iri mólsherde múlikti alý maqsatynda bopsalaý"; Qylmystyq kodekstiń 389-babynyń 4-bóligi "Aýyr zardaptarǵa ákep soqtyrǵan ozbyrlyq" boıynsha aıyptar taǵyldy.
Is boıynsha ekinshi aıyptalýshy – onyń júrgizýshisi Mádı Batyrshaev. Oǵan qylmystyq kodekstiń 126-babynyń 3-bóliginiń 3-tarmaǵy boıynsha aıyp taǵyldy.