«Qazgıdromet» sınoptıkteri 11-13 mamyr aralyǵyna arnalǵan úsh kúndik aýa raıy boljamyn usynyp, kún ysıtynyn málimdedi, dep habarlaıdy Egemen.kz.
Iran aımaqtarynan keletin bult órisi eldiń batys aımaqtaryn jaýlap alady, sonyń áserinen kún kúrkirep, nóser jańbyr jaýady.
Burshaq túsip, aýa temperatýrasy tómendeıdi. Fronttar respýblıkanyń shyǵysyna qaraı jyljıdy. Saldarynan shyǵys, soltústik, ortalyq oblystarda naızaǵaı jarqyldap, qysqa merzimdi jańbyr jaýady.
Temperatýra birtindep maksımaldy 22-27 gradýs jylyǵa deıin kóteriledi.
Ońtústik jáne shyǵys óńirlerde de qubylmaly aýa raıy saqtalady. Naızaǵaı oınap, burshaq jaýady, ekpindi jel soǵady.
Degenmen, kúndiz termometr baǵany birte-birte Selsıı boıynsha plıýs 20-32 gradýsqa deıin kóteriledi.