Almatynyń Bostandyq aýdanyndaǵy meıramhanalardyń birinen órt shyqty. Oqıǵa ornynda túsirilgen vıdeo áleýmettik jelide tarady, dep habarlaıdy Egemen.kz.
Qalalyq tótenshe jaǵdaılar departamenti málim etkendeı, atalǵan órt týraly habarlama búgin saǵat 10:30-da túsken.
«Bostandyq aýdanynyń órt sóndirýshileri «Okadzakı» meıramhanasyna shyqty. Anyqtalǵandaı, órt meıramhananyń as bólmesinde tutanyp, qyzyl jalyn 10 sharshy metr aýmaqty sharpyǵan. Abyroı bolǵanda, kelýshiler ǵımarattan shyǵyp úlgerdi. Qurbandar men zardap shekkender joq», dep habarlady Almaty qalalyq TJD baspasóz qyzmeti.
О́rt 10:34-te oqshaýlanyp, 10:37-de tolyq sóndirildi.