Tártip saqshylary Shyǵys Qazaqstan oblysynda zańsyz eńbek mıgranttaryn anyqtady, dep habarlaıdy Egemen.kz Polisia.kz saıtyna silteme jasap.
ShQO PD kóshi-qon qyzmetiniń qyzmetkerleri reıdtik sharalar barysynda Kúrshim aýdanynda salynyp jatqan nysanda zańsyz jumys istep júrgen 11 shetel azamatyn anyqtady.
Belgili bolǵandaı, shetel azamattary Qazaqstanǵa naýryz aıynda kelgen, biraq jumys qyzmetin júzege asyrýǵa ýákiletti organ beretin tıisti ruqsaty bolmaǵan. Buǵan qaramastan, jumys berýshi olardy qyzmetke tartqan.
Ustalǵan sheteldikter atalǵan buzýshylyqtar úshin ákimshilik jaýapkershilikke tartyldy. Sondaı-aq jumys berýshi 30 AEK mólsherinde aıyppul tóledi.
Qyrmyzy JUMAǴALIQYZY,
EUÝ stýdenti