Memleket basshysy Mádenıet jáne aqparat mınıstri Aıda Balaevany qabyldady. Prezıdentke vedomstvo atqarǵan jumystardyń nátıjesi, sondaı-aq mınıstrliktiń aldaǵy qyzmeti barysynda qoldanylatyn perspektıvti tásilder týraly baıandaldy, dep jazady Egemen.kz Aqorda baspasóz qyzmetine silteme jasap.
Qasym-Jomart Toqaevqa aqparat, mádenıet, kreatıvti ındýstrııa, azamattyq qoǵam, din, etnosaralyq qarym-qatynas, jastar jáne otbasylyq-demografııalyq saıasat salalarynda qabyldanyp jatqan sharalar týraly málimet berildi.
Aıda Balaeva vedomstvonyń jetekshilik etetin salalaryn damytýǵa qatysty josparyn aıtty.
Kezdesý sońynda Memleket basshysy mınıstrlikke mádenı-tarıhı nysandardyń ınfraqurylymyn damytý, shyǵarmashylyqty qoldaý, Qazaqstannyń mádenıetin shetelde dáripteý sekildi birqatar naqty mindet júktedi. Budan bólek, kreatıvti ındýstrııany ınstıtýsıonaldyq turǵyda qoldaý jáne atalǵan salany jedel damytý jumystaryn jandandyrý tapsyryldy.