Atyraý oblysynda 7 shaqyrym joldy tasqyn sý shaıyp ketti. Osyǵan baılanysty kólik qozǵalysy ýaqytsha toqtatyldy, dep habarlaıdy Egemen.kz.
Inder aýdanynyń ákimi Daryn Shamuratovtyń aıtýynsha, 8 mamyrdan beri atalǵan jol bóliginiń jıegine topyraq tógilip, bóget turǵyzylǵan. Alaıda, Jaıyq ózeninen saı-jyralarǵa shyqqan tasqyn sýdyń aǵysyn toqtatý múmkin bolmaǵan.
«Búgin, 13 mamyrda saǵat 09:45-te saılarǵa jınalǵan tasqyn sý Atyraý-Oral trassasynan Inderbor kentine baratyn joldyń 3-5-shaqyrymy aralyǵyn basty. Osy ýchaskede avtokóliktiń barlyq túri úshin qozǵalys toqtatyldy. Oral qalasyna baratyn avtokólik júrgizýshileri úshin Mahambet aýyly arqyly ótetin balama jol bar», dep habarlady oblystyq jedel shtabtan.