«Taza Qazaqstan» respýblıkalyq ekologııalyq aksııasy aıasynda Almaty oblysynda «О́negeli urpaq» aptalyǵy ótip jatyr, ol ekologııalyq jaǵdaıdy jaqsartyp qana qoımaı, aǵa býyn – ardagerlerdi qoldaýǵa arnalǵan.
Aksııa aıasynda myńnan astam ardagerler men qart turǵyndardyń úılerin abattandyryp, tazartý jumystaryna eriktiler men jastar kómektesip, qyrýar is tyndyrdy. Solardyń arasynda Ile aýdanynyń aqsaqaldary Súleımen Jumabekov pen Vladımır Ýdovıktiń úıiniń aýmaǵyna oblys ákiminiń qatysýymen jemis aǵashtary otyrǵyzyldy.
«Birlik kúni ekologııalyq aksııa aıasynda biz ólkemizdi kógaldandyrý jáne abattandyrý jumystaryn jalǵastyryp jatyrmyz. Aǵa urpaqty qurmetteý – ár ult dástúriniń ajyramas bóligi. Biz otyrǵyzǵan alma aǵashtary jaıqalyp ósip, jazda saıalap, kúzde dámdi jemisin kórýlerińizdi tileımin», – dep atap ótti óńir basshysy Marat Sultanǵazıev.
Birlik kúni aımaqty kógaldandyrý jáne abattandyrý jumystarynda turǵyndar aýyzbirshilik tanytyp, birlikterin bekemdeı tústi.
Aıta keteıik, «О́negeli urpaq» aksııasyna Almaty oblysynyń 5 myń eriktisi qarttardyń úılerin retke keltirip, sondaı-aq olardyń aýlalaryna abattandyrý jumystaryn júrgizetin bolady. Atalǵan is-sharalar óńirdiń barlyq turǵyny úshin jaıly jáne taza orta qurýǵa baǵyttalǵan.
Almaty oblysy