Qyzylordada stadıon salynady

«Memleket basshysy «Bárimiz – bir eldiń azamatymyz. Tarıh toǵystyrǵan taǵdyrymyz – bir, senimmen qadam basatyn kele­shegimiz – bir. Biz birtutas ult retinde árdaıym babalar amanatyna adal bolamyz. Qasıetti qara shańy­raǵymyz – Qazaqstannyń jarqyn bolashaǵyn birge jasaımyz. Bizdiń maqsatymyz aıqyn, bul – Ádiletti Qazaqstandy qurý» degen bolatyn. Búgingi bastama da eldiń erteńin birge qalyptastyrýdyń qadamy desek qatelese qoımaspyz.

Oblys ortalyǵyndaǵy salynǵanyna 60 jylǵa jýyqtaǵan Ǵanı Muratbaev atyndaǵy or­talyq stadıonnyń ÝEFA talaptaryna sáıkes kelmeıtini buǵan deıin talaı márte aıtylyp, súıikti komandamyz «Qaı­sardyń» jankúıerleri jańa stadıon salý jaıly usynys ta joldap kelgen. Sony júzege asyrýdyń sáti búgin túsip otyr. Mereke kúni ózderińizben birge halyqaralyq talaptarǵa saı keletin, 10 myń oryndyq jańa stadıonnyń irgetasyn qalaımyz. Jalpy, keıingi 30 jylda elimizde zamanaýı eki stadıon, «Astana arena» men «Túrkistan arena» ǵana salynǵanyn bilesizder. Endi solardyń qataryna Qyzylorda stadıony da qosylady», dedi aı­maq basshysy.

Fýtboldan Qazaqstan qura­ma koman­dasynyń kapıtany Ashat Taǵybergen jer­lesterin qut­tyqtap, memleket jáne qoǵam qaı­ratkeri Baqbergen Dosmanbetov bata berdi.

Bıyl Qyzylorda qalasynda quny 2 mlrd 700 mln teńge bolatyn ústel tennısi ortalyǵynyń qurylysy júrip jatyr. Halyq­aralyq standarttarǵa saı keletin jabyq basseıni bar kópsalaly dene shynyqtyrý-saýyqtyrý kesheniniń qurylysy bastaldy. Stadıon salynatyn aýdannan fızıka-matematıka mektep-ınternaty, Oqýshylar saraıy jáne mýzykalyq kolledjdiń ǵımarattary boı kóterip keledi.

Byltyr óńirde 7 dene shy­nyq­tyrý-saýyqtyrý kesheni el ıgi­ligine tabystalsa, bıyl aýdandarda 4,7 mlrd teńgege 12 sport ke­shenin paıdalanýǵa berý jos­parlanyp otyr.

Qyzylorda