Úkimet otyrysynda QR Premer-mınıstri Oljas Bektenov Týrızm jáne sport mınıstri Ermek Marjyqpaevtan bıyl da Kids go free baǵdarlamasyn jalǵastyrý múmkindigi týraly surady, dep habarlaıdy Egemen.kz.
«Baǵdarlamany jalǵastyramyz. 2022 jyly baǵdarlamany 700 bala paıdalansa, 2023 jyly olardyń sany 2 myńǵa jetti», dep jaýap berdi mınıstr.
Osy oraıda Úkimet basshysy Kids go free baǵdarlamasyn jalǵastyrý qajettigin atap ótti.
«Bul ishki týrızmdi damytýǵa baǵyttalǵan jaqsy baǵdarlama dep oılaımyn. Ary qaraı jalǵastyryńyz»,dedi Oljas Bektenov.
Eske sala keteıik, 2022 jyldyń 1 qańtarynan bastap Qazaqstanda týrpaket aıasynda kámeletke tolmaǵan (2 jastan 17 jasqa deıingi) jolaýshylarǵa bılet qunyn sýbsıdııalaý kúshine endi. Bul shara ata-analarǵa el ishinde demalatyn kámeletke tolmaǵan balalardyń áýe bıletterin tólemeý múmkindigin qarastyrdy.
Qyrmyzy JUMAǴALIQYZY,
EUÝ stýdenti