UFC uıymynyń burynǵy chempıony Habıb Nýrmagomedovtyń salyq qyzmeti aldynda úlken qaryzy bar bolyp shyqty, dep jazady Egemen.kz.
Vesti.kz málimdegendeı, Habıbtiń 306 mıllıon 688 myń 389 rýbl (shamamen 1,5 mıllıard teńgedeı) qaryzy bar. Mash basylymy Reseıdiń Federaldyq salyq qyzmeti Nýrmagomedovke tıesili Eagle FC promoýsheni jáne sportshynyń qaıyrymdylyq qorynyń esep-shotyn buǵattaǵanyn habarlady.
Advokat Igor Býshmanovtyń sózinshe, salyq tólemegeni úshin Nýrmagomedov túrmege otyrýy da múmkin.
- Uıym salyǵynan jaltarý - aýyr qylmys. Tólenbegen salyq sommasy 10 mıllıonnan assa, bul úshin RF zańyndaǵy 199-baby boıynsha 6 jylǵa deıin bas bostandyǵynan aıyrý týraly zań qarastyrylǵan.
Mundaı isti Reseıdiń tergeý komıteti júrgizedi. Ádette aıypker retinde uıym jetekshisi jaýapqa tartylady. Sırek túrde - quryltaıshy men bas býhgalter. Aıypker salyq pen ósimdi tolyq tólese jazadan qutylady, - dep beredi advokattyń sózin "SE".