Qarataevtyń tósbelgisi

Bul tarıhı qundy eskert­kishti mýzeı qoryna Ba­qytjan Qa­rataevtyń kelini Bıbiajar Baqyt­janova tapsyrǵan eken. Tós­belgide aq metaldan ja­sal­ǵan Reseı ımperııasynyń gerbi bar jáne kók tústi emaldy krest beınelengen.

Reseı ımperııasynda tósbel­gilerdi, nagradalardy taǵý qatal tártip­pen qa­daǵalanyp otyrǵan kó­rinedi. Tósbel­giniń merekelik sherýge jáne kúndelikti frakqa taǵylatyn eki túri bolǵan. Onyń alǵashqysy kólemdirek bolyp, tek saltanatty sherýde, jıyndarda taǵylsa, frakqa taǵylatyn kishkene belgini kúndelikti kıimge – keýdeniń oń ja­ǵyna taǵýǵa ruqsat etilgen. Sýrette Baqytjan Bı­sáliulynyń kúndelikti tutynǵan buıymy beınelengen.

– Qazaqtan shyqqan tuńǵysh zańger, memleket jáne qoǵam qaı­ratkeri, aǵartýshy-demokrat Ba­qyt­jan Qara­taev­tyń qaıtys bol­ǵanyna bıyl 90 jyl tolyp otyr. Baqytjan atamyz Peterbýrgtegi Im­peratorlyq ýnıversıtettiń zań fakýltetin erekshe, óz aty ja­zylǵan altyn medalmen tá­mamdaǵan. «Osynaý dúnıelerdi óz kezinde Ba­qytjan babamyz ustap-tutty ǵoı» – degen oıdyń ózinen-aq bul zattyń baǵasyn bilesiń. Mýzeı qo­ryna tús­ken bul jádiger talaı jyl tarıh bolyp sóıleıtinine esh kúmánimiz joq, – deıdi Batys Qazaq­stan tarıhı-ólketaný mý­zeıiniń qor saqtaýshysy Muhtar О́tesov.

Batys Qazaqstan oblysy