Elimizdiń 14 aımaǵynda negizgi UBT bastaldy. Al sý tasqyny bolǵan 6 óńirde UBT 25 mamyrda bastalady. Bul týraly Ǵylym jáne joǵary bilim mınıstrligi Ulttyq testileý ortalyǵynyń dırektory Bolatbek Ábdirásilov Ortalyq komýnıkasııalar qyzmeti alańynda ótken baspasóz konferensııasynda aıtty, dep habarlaıdy Egemen.kz.
«Bıyl talapkerler negizgi UBT-ny 2 ret tapsyrady. Qazirgi ýaqytta 330 myńǵa jýyq ótinish qabyldandy. 181 myń talapker testileýge qatysýǵa nıet bildirgen», dedi Bolatbek Ábdirásilov.
UBT jylyna 5 ret ótedi: 3 ret – aqyly negizde, al negizgi UBT boıynsha talapkerler granttar berý konkýrsyna qatysý múmkindigine ıe bolady.