Shyǵys Qazaqstan oblysy polıseıleri kúdiktiden 6 myń dozany quraıtyn mefedron tárkiledi, dep habarlaıdy Egemen.kz Polisia.kz-ke silteme jasap.
ShQO polısııa departamentiniń esirtki qylmysyna qarsy kúres basqarmasynyń qyzmetkerleri elimizdiń ońtústik óńirlerinen ShQO-ǵa sıntetıkalyq esirtki tasymaldaıtyn iri arnanyń jolyn kesti.Tártip saqshylary О́skemen – Almaty avtojolynda Almaty oblysynyń 26 jastaǵy turǵynynyń basqarýyndaǵy Toyota Land Cruiser avtokóligin toqtatqan. Kólik quralyn tintý barysynda jedel ýákilder aq tústi untaq zaty bar 4 polımerli paketti tapty, sonymen qatar kóliktiń bagajynan taǵy 15 orama tabylyp, tárkilendi.Saraptama qorytyndysyna sáıkes, tárkilengen zat mefedron bolyp shyqty, jalpy salmaǵy 1 keli 850 gr, bul bir rettik 6 myńnan astam dozany quraıdy. Jaýap alý barysynda er adam esirtkini Astana men Pavlodarda taratqanyn aıtqan. Kúdiktige qatysty esirtki quraldaryn, psıhotroptyq zattar men olardyń analogtaryn zańsyz satyp alǵany, saqtaǵany, ótkizgeni úshin qylmystyq is qozǵaldy. Qazirgi ýaqytta ol qamaýǵa alyndy. Er adam múlki tárkilenip, on jyldan on bes jylǵa deıingi merzimge bas bostandyǵynan aıyrylýy múmkin.