STÝDENTTER TÝǴAN AÝYLDARYNA ATTANDY

Astananyń “Saparjaı” avtobeketi aldyna keshe sary jáne aq tústi fýtbolka men bastaryna kepka kıgen bir top stýdent jastar jınaldy. Bilim jáne ǵylym mınıstrligi bastamashy bolyp tabylatyn “Ár stýdent – týǵan aýylyna!” atty respýblıkalyq aksııa osylaısha Astana qalasynyń stýdentterin týǵan aýyldaryna shyǵaryp salý rásimimen bastaldy.Elordanyń joǵary oqý oryn­da­rynyń 1, 2 kýrs stýdentteri bolyp tabylatyn jastardyń kóńilderi kóterińki. О́ıtkeni, mundaı erekshe qoshemetpen shyǵaryp salý rásimi kúnde bola bermeıdi. Týǵan aýyl­daryna ıgilikti is-sharalar atqarýǵa attaný aldynda turǵan stý­dent jas­tar osynda arnaıy shaqyrtylǵan buqaralyq aqparat quraldary ókil­derine suhbattaryn berip, sýretke de túsip jatty. Solardyń arasynan biz Qazaqstan stýdentteri Alıansy­nyń vıse-lıderi Álibek Mádi­be­kovti áńgimege tartqan edik. Ol óz sózinde bylaı dedi: “Bul aksııanyń eń basty tıimdiligi sol, olardyń óz ýaqyttaryn tıimdi paıdalanýy jáne oqý barysynda alǵan kóp­tegen aqparattardy aýyldastary men týǵan-týystaryna jetkizýi”. Sondaı-aq stýdentter aýyl­da­ry­na barǵan soń memleket tara­py­nan jastarǵa nendeı kómekter kórsetilip jatqandyǵyn jetkizip, bilim granttary týraly oılarymen bólisýleri shart. Osy maqsatpen keshe birneshe stýdent Stepnogor qa­lasyna jol tartty. Joba osy­laısha jalǵasyn taba beredi, deıdi Á.Mádibekov. Qazirgi jazǵy demalys kezinde stýdentter aýyldyń qoǵamdyq ómi­rine belsendi qatysýda, sonymen qatar, mektepterdiń aınalasyn ta­zar­typ, abattandyrý jumystaryna bel­sene kirisip te ketipti. Astana­daǵy S.Seıfýllın atyndaǵy Qazaq agrotehnıkalyq ınstıtýtynyń stýdenti Aıagóz Sherıazdanovanyń aıtýynsha, aýyl jastardy tek eńbekke  tárbıelep qana qoımaı, sondaı-aq otansúıgishtik sezimderin de oıatady. Atalǵan oqý ornynyń kelesi bir stýdenti Ǵalymjan Kerimbekov qazirgi kezde kóptegen stýdentter óz aýyldaryna baryp kómek kórsetýge qulshynyp otyrǵandyǵyn aıtty. Shynynda da aksııanyń maqsa­ty — jastardyń aýyldyń qoǵamdyq ómirine atsalysýy arqyly týǵan eline degen jaýapkershilik sezimi men patrıottyq rýhyn qalyptas­ty­rý. Bul, sonymen qatar, stýdent­terdiń týyp-ósken aýyldarynyń damýyna tikeleı atsalysýyna múm­kindik týǵyzady. Aksııa barysynda stýdentter ózderi bilim alǵan mek­tep­teriniń aınalasyn abattandy­ryp, ár túrli sporttyq jáne máde­nı-kópshilik sharalar uıym­das­ty­rady, mektep janyndaǵy lager­lerdegi pedagogıkalyq jasaqtarda jetekshi bolyp jumys isteıdi. Atalǵan sharanyń taǵy bir tıimdi jaǵy, belsendi degen stý­dent­ter elimizdiń áleýmettik-eko­nomıkalyq jáne saıası jaǵdaıy tý­raly túsindirý jumystaryn júr­gizýge múmkindik alady. Sonymen birge, olar memlekettiń jastardy qalaı qoldap jatqany jáne memlekettik bilim baǵdarlamalary týraly aqparattarmen de bólisedi. Asqar TURAPBAIULY. ASTANA.