Josparly stomatologııalyq kómekti 18 jasqa deıingi balalar men júkti áıelder tegin alýyna bolady. Josparly kómekke jaqtyń jáne tistiń rentgenografııasy, plomba salý, aýyrsynýdy basý arqyly qarapaıym jáne kúrdeli tisti julý kiredi, dep jazady Egemen.kz.
Al shuǵyl stomatologııalyq kómek myna sanattaǵylarǵa tegin kórsetiledi:
18 jasqa deıingi balalar; júkti áıelder; UOS qatysýshylaryna jáne olarǵa teńestirilgenderge; I, II, III, IV toptaǵy múgedekterge; "Altyn alqa" jáne "Kúmis alqa" tósbelgisimen marapattalǵan kópbalaly analarǵa; Ataýly áleýmettik kómek alýshylarǵa; Jasy boıynsha zeınetkerlerge; Juqpaly aýrýlarmen aýyratyn naýqastar.Shuǵyl stomatologııalyq kómekti erekshe qajettilikteri bar balaǵa kútim jasap, jumys istemeıtinder nemese bala kezinen I toptaǵy múgedekter de tegin ala alady.
Azamattardyń jeńildetilgen sanaty memlekettik emhanada nemese lısenzııasy bar jáne mindetti medısınalyq saqtandyrý qorynyń qatysýshysy bolyp tabylatyn kez kelgen stomatologııalyq klınıkada kómek ala alady. 2021 jyldan bastap mundaı stomatologııa emhanadan joldamasyz qabyldaıdy.
Az qamtylǵan otbasylardan shyqqan 6 jastan 12 jasqa deıingi balalarǵa tis-jaq aýytqýlary (tisteý aqaýlary jáne jaq mıkrognatııasy), týa bitken jaq-bet patologııasy (joǵarǵy erin men tańdaıdyń jyryqtary) bar balalarǵa tegin ortodontııalyq kómek kórsetiledi.
MÁMS boıynsha pasıent josparly nemese shuǵyl stomatologııalyq qyzmet alý úshin emhanaǵa da, jeke klınıkaǵa da júgine alady. Klınıka tizilimde bolýy kerek. Tirkeýshige qońyraý shalý, dáriger qabyldaýyna jazylý jáne qaı klınıkaǵa tirkelgenińizdi habarlaý qajet. Sizdi bazadan tekseredi jáne shynymen tirkeýde bolsańyz, onda qyzmetter tegin kórsetiledi. MÁMS sheńberinde stomatologııaǵa barýǵa lımıt joq.