Sý tasqynyna baılanysty Atyraý, Aqtóbe, Soltústik Qazaqstan oblystarynan 3581 oqýshy aralyq jáne qorytyndy emtıhandardan bosatylady. Bul týraly Oqý-aǵartý mınıstri Ǵanı Beısembaev aıtty, dep habarlaıdy Egemen.kz.
«Oqý jylyn 3,8 mln oqýshy aıaqtaǵaly otyr, onyń ishinde bastaýysh synyptarda 374 myń bala, negizgi mektepterde 341 myń oqýshy jáne 186 myń túlek bar. 7 704 oqýshy «Altyn belgige» úmitker. Bıyl 5-8, 10 synyptarda alǵash ret qazaq tiline qatysty aralyq emtıhandar ótkiziledi», dedi Ǵanı Beısembaev.
Mınıstrdiń aıtýynsha, sý tasqynyna baılanysty Atyraý, Aqtóbe, Soltústik Qazaqstan oblystarynan 3581 oqýshy aralyq jáne qorytyndy emtıhandardan bosatylady. Qorytyndy baǵa jyldyq belgiler negizinde qoıylady.
«TJ aıasynda qashyqtan oqytylǵan 2 622 mekteptiń 832 myń oqýshysy úshin 27-31 mamyr aralyǵynda jazǵy mekteptiń jumysy uıymdastyrylady. 9 jáne 11 synyp túlekteriniń qorytyndy emtıhandary 29 mamyrdan 11 maýsymǵa deıin ótkiziledi. Attestattardy tapsyrý saltanatty rásimi 12-15 maýsymǵa belgilendi», dedi Oqý-aǵartý mınıstri.