14 maýsym kúni EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev AQSh Memlekettik hatshysy Hılları Klıntonmen telefon arqyly sóılesti. Áńgime barysynda áńgimelesýshi taraptar Qyrǵyzstandaǵy jaǵdaı týraly tolyqqandy pikir almasty.
Taraptar kóptegen adam qurbandyqtaryna ákelip soqtyrǵan zorlyq-zombylyqtyń qaıta órbip otyrǵandyǵyna tereń alańdaýshylyqtaryn bildirdi. AQSh Memlekettik hatshysy Qazaqstan Prezıdenti Nursultan Nazarbaevtyń kórshiles memlekettiń basshysy retinde jáne EQYU tóraǵasy retinde jumsap otyrǵan kúsh-jigerine joǵary baǵa berdi.
Áńgimelesýshi taraptar Qyrǵyzstandy aýyr daǵdarystan shyǵarý úshin kómek uıymdastyrý maqsatynda EQYU men BUU-nyń kúshin biriktirý qajet degen kelisimge keldi. Sonymen qatar, olar Ýaqytsha úkimetti qaqtyǵysqa baılanysqan taraptarmen belsendi ári tıimdi jumys jasaýǵa, jalpy Qyrǵyzstan halqynyń múddesi úshin ultaralyq tózimdilik, senim jáne kelisimge qajetti jaǵdaı uıymdastyrýǵa shaqyrdy.
Áńgime qorytyndysy boıynsha taraptar Qyrǵyzstandaǵy jaǵdaıdy retteýge baǵyttalǵan is-áreketterdi úılestirý maqsatynda jaǵdaıdy ári qaraı baqylaýda ustap, keńesterdi jalǵastyrýǵa kelisti.