Týǵan jerdiń qurmeti

Doqtyrhan Turlybek, Tal­ǵat Aıtbaıuly, Tolymbek Álim­bekuly, Talǵat Súıinbaı bastaǵan qalamgerlerdi aldymen Jýaly aýdanynyń ákimi Jalǵas Murtaza arnaıy qabyldap, mereıtoı ıe­le­rin quttyqtady. Budan ármen qaraı jýrnalıstıka men ádebıette qatar jarqyraǵan qalamgerler týǵan jer tósindegi is-sharalarǵa qatysty.

Táttibaı Dúısebaı aýlynda jazýshy-jýrnalıst Talǵat Súıin­baı­dyń 70 jasqa tolýyna oraı «Tulǵalarǵa tuǵyr bergen qalam­ger» atty ádebı-sazdy kesh uıym­das­tyryldy.

Is-shara barysynda mádenıet úıi qyzmetkerleri Talǵat Súıinbaıdyń shyǵarmashylyq jolyna toqtalyp, qalamgerdiń kitaptaryna sholý jasady. Aýdandyq máslıhat tóraǵasy Zııadhan Búrlibaev, aýdandyq mádenıet jáne tilderdi damytý bóliminiń basshysy Ǵazıza Estaeva jerles qalamgerge qurmet kórsetip, izgi tilegin jetkizdi. Is-shara barysynda T.Súıinbaıdyń synyp je­tekshisi men synyptas dostary qa­l­amger týraly estelikterimen bólisti.

Kezdesý barysynda aýyl oqý­shylary ónerlerin ortaǵa saldy. Biri bı­ bılese, endi biri qalamgerge arnaǵan óleńderin oqy­dy. Is-sharanyń so­­ńyn­da oqý­shy­lar kókeılerinde júrgen su­raq­taryn qoıyp, tushymdy ja­ýa­p aldy.

Bul kúni Jýaly aýdanynyń qurmetti azamaty, belgili qalam­ger Tal­ǵat Aıtbaıuly týǵan aýly Qoshqarata eldi mekeninde oqyrmandarymen kezdesýge qatysty. «Jomart túlek» jobasy aıasynda ózi bilim alǵan №9 Abaı atyndaǵy orta mektep oqýshylarymen júzdesip, «Týǵan ólke tarıhy» mýzeıiniń ashylýy­na qatysyp, ustazdarǵa jáne bilim alýshylarǵa izgi tilegin jetkizdi. Qalamgerdiń mereıtoıyna arnalǵan is-shara mádenıet úıinde jalǵasyn taýyp, T.Aıtbaıuly jerlesteri tarapynan týyndaǵan túrli saýalǵa jaýap berdi. Balalyq shaǵy men shyǵarmashylyq joly týraly qyzyqty estelikter aıtty.

«Túrki álemi» halyqaralyq telekompanııasynyń bas dırek­tory, jazýshy Doqtyrhan Tur­lybek te aýyldastarymen júz­desip, jerlesteriniń qurmetine bólendi. Ol Qarasaz aýlyndaǵy Pýshkın atyndaǵy orta mekteptiń ujymymen kezdesýge qatysyp, avtorlyq kitaptaryn mektep ujymyna tabystady.

Jambyl oblysy,

Jýaly aýdany