Senat depýtattary Evgenıı Bolgert, Murat Qadyrbek jáne Janna Asanova Eýropa elderiniń qaýipsizdik uıymynyń Demokratııalyq ınstıtýttar jáne adam quqyqtary jónindegi bıýro múshelerimen kezdesti, dep jazady Egemen.kz
Konstıtýsııalyq zańnama, sot júıesi jáne quqyq qorǵaý organdary komıtetiniń hatshysy Evgenıı Bolgert Qazaqstan dástúrli túrde EQYU-men, atap aıtqanda, Demokratııalyq ınstıtýttar jáne adam quqyqtary jónindegi bıýromen yntymaqtastyqqa basa nazar aýdaratynyn atap ótti.
Kezdesýge qatysýshylar adam quqyqtaryn ilgeriletý, saılaý prosesterin jetildirý jáne zań ústemdigin nyǵaıtý jónindegi birlesken kúsh-jigermen qosa yntymaqtastyqtyń negizgi máselelerin talqylady. Eki tarap ózara tyǵyz qarym-qatynasty jalǵastyrýǵa jáne ortaq maqsattarǵa jetýde tájirıbe almasýǵa daıyn ekendikterin bildirdi.