Mýzeıdiń tálimdi túni

Áserli túnniń qonaq­tary el tarıhynda esimi altyn árip­­pen qashalǵan tuǵyrly tul­ǵa­­lardyń ómir tynysy­na qatysty derektermen «Uly dalanyń uly esimderi» kór­mesi arqyly tanys­ty. Kórmege A.Qunanbaıuly, Sh.Ýálıhanov, Y.Altynsarın, A.Baıtursynuly, M.Tynysh­baev,Q.Sátbaev, Á.Marǵulan, H.Arǵynbaev, K.Aqyshev, О́.Jánibekov, B.Qojamqulova muralary qoıylǵan. Olardyń tirshiliginde tutynǵan buıym­daryn, qujattary men foto­sýret­terin kózben kórý kórer­men­derge shabyt syılady.

Qazaq beıneleý óneriniń bas­taýynda turǵan uly sý­ret­­shiler Á.Qasteevtiń 120 jyl­dyq, Ú.Ájıevtiń 100 jyldyq, N.Nurmuhamedovtyń 100 jyl­dyq, S.Qojyqovtyń 100 jyldyq, G.Ismaılovanyń 95 jyl­dyq mereıtoılaryna ar­nalǵan «Qylqalam sheber­le­ri» atty kórme de dál osy shara aıasyn­da ashyldy.

Qylqalam álemine qyzyǵa­tyn qonaqtar mundaǵy «Dás­túr­diń bet-beınesi: Qazaqs­tannyń etnostyq sımfonııa­sy» kórmesi arqyly Naǵıma Ibrasheva, Láıla Jarqyn, Ásem Súleımenova, Altynaı Baıjanova, Dınara Zakaradze syndy jańa zaman sýret­shi­le­riniń shyǵarma­shy­lyǵymen tanysty.

Eń qyzyǵy, mýzeıdiń res­tavrasııa ortalyǵynyń qyz­met­kerleri qonaqtarǵa keskin­demelerdi, keramıka men metaldy, aǵash pen matany, kıizden jasalǵan buıym­dar­dy qalpyna keltirý­den she­berlik dáris ótkizdi. Ási­rese «Kóne zaman kóleń­ke­­leriniń qupııalary», «Arheo­log­tiń dala qosyny», «Álem halyqtarynyń mýzyka­lyq aspaptary», «Kal­lıg­ra­fııa – ǵylym men óner túrinde», «Alys-jaqyn shetel­diń aqsha túrleri» taqyryp­tyq-ta­nym­dyq jobalary jas kórer­­men­der­diń qyzyǵý­shy­ly­ǵyn týdyrdy.

Qonaqtarǵa «Bilim berý jáne zertteýdegi mýzeıler» tarıhı-tanymdyq marshrýty usynyldy. Onda bala eks­kýrsanttar júrgizgen «Mý­zeıdiń tańǵajaıyp álemi» baǵdarlamasy, Qazaqstan tarıhy boıynsha kvestter, «Men qazaqtyń tarıhyn bilemin» jáne «Uly Jibek jolynyń tarıhy» vıktorınalary uıym­das­tyryldy.

Dál osy túni erekshe jan­dar­ǵa arnalǵan «Taktıl­dik já­­di­gerler: qazaq halqy­nyń máde­nıetimen tanysý» jańa ınk­lıýzıvtik jobasynyń ta­nys­tyrylymy ótti. Joba «Qazaq-Oner» Ulttyq qaýym­das­tyǵynyń, «Aigul Line» bren­diniń negizin qalaýshy ári pre­zı­denti A.Janserikovanyń, O.Tańsyqbaev atyndaǵy Almaty sándik jáne qoldanbaly óner kol­ledji men «Baqyt» sándik jáne qoldanbaly óner orta­ly­ǵynyń qoldaýymen júzege asqan.

Kórermen nazaryna usy­nyl­ǵan «On saýsaǵynan óner tamǵan» tanymdyq klasteri aıasynda sándik-qoldanbaly óner sheberleri, sýretshiler men qolónershiler ashyq sheberlik saǵattaryn ótkizdi. Jobaǵa ún qosqan Daru ýnıversıteti «Mýzeıdegi AI: tehnologııa men ónerdegi revolıýsııa» sharasy aıasynda mýzeı eksponattaryna jan bitirý úshin jasandy ıntellektti paıdalana otyryp aldyńǵy qatarly ozyq teh­nologııalardyń áleýetin kórsetti.

«Bul jylǵy shara mýzeıdiń bilim salasyndaǵy alar ornyn, óskeleń urpaqty tarıh pen dástúrdi dáripteý arqyly tár­bıeleý jáne ulttyq má­denıetti nasıhattaýdaǵy mýzeı­diń ólsheýsiz úlesin aıqyn­daý úshin «Bilim berý jáne zertteýdegi mýzeıler» taqy­ry­bynda ótip otyr. Tańda­lyp alynǵan taqyryp mýzeıdiń negizgi qyzmetinen bólek tárbıe jáne bilim berý salasyn da qamtıtyn serpindi ǵylym-bilim ortalyǵy ekenin kórsetedi», deıdi Memlekettik ortalyq mýzeıdiń dırektory Rashıda Harıpova.

«Mýzeı túni» merekesiniń sheń­berinde jarııalanǵan «Mý­zeıge syılyq – urpaqqa mura» aksııasynda azamattar mýzeılik quny bar zattar men kóne buıymdardy mýzeı qoryna tapsyrdy. Atap aıtar bolsaq, ánshi A.Nurmaǵanbetovanyń, kúıshi Q.Jantileýovtiń, jazýshy A.Mekebaevtyń, taǵy basqa tulǵalardyń jeke qoryndaǵy qundylyqtar Ortalyq mýzeı qoryna qabyldandy. Arnaıy konserttik baǵdarlamada Ha­lyq ártisteri, memlekettik orkestrler, mýzykalyq jáne shy­ǵar­mashylyq ujymdar men ansamblder óner kórsetti.

ALMATY