Qazaqstan men Koreıa ókilderi bilim berýdegi sıfrlyq saýattylyq pen kıberqaýipsizdikti damytý máselelerin talqylady. Bul týraly Oqý-aǵartý mınıstrligi habarlady. Talqylaýǵa Oqý-aǵartý vıse-mınıstri Araı Orazova, Koreıanyń bilim jáne zertteý máseleleri jónindegi aqparat qyzmetiniń (KERIS) mamandary qatysty.
Taraptar jıynda sıfrlyq bilim berýdi damytý máseleleri, sondaı-aq bilim uıymdarynda kıberqaýipsizdik pen kıberetıkany damytý máseleleri boıynsha Koreıamen tájirıbe almasý barysyn sóz etti. Osy oraıda oqyrmanǵa túsinikti bolý úshin aqparat bere keteıik, «KERIS» (korea education and research information service) – Ońtústik Koreıa Respýblıkasy Bilim ǵylym jáne tehnologııalar mınıstrligine qarasty úkimettik uıym. Atalǵan uıym Ońtústik Koreıanyń jáne sheteldiń bilim salasyndaǵy aqparattyq jáne kommýnıkasııalyq tehnologııany damytýǵa baǵyttalǵan, sonymen qatar Dúnıejúzilik bank, IýNESKO sııaqty halyqaralyq uıymdarmen tyǵyz jumys isteıdi.
Talqylaýda Qazaqstannyń Oqý-aǵartý vıse-mınıstri mınıstrlik tarapynan júrgizilip jatqan jumys pen bilim sapasyn arttyrý maqsatyndaǵy IT-tehnologııalardy damytý máselelerine toqtaldy.
«Koreıanyń tájirıbesi Qazaqstannyń bilim berý júıesinde jasandy ıntellektini damytýǵa yqpal etetin bolady. Bul kezdesý bilim uıymdarynda qaýipsiz, etıkalyq bilim berý ortasyn jaqsartýǵa jáne qurýǵa yqpal etetin kıberqaýipsizdik jáne kıberbýllıng boıynsha nusqaýlyqtardy ázirleýdegi mańyzdy qadam bolatynyna senimdimin», dedi Araı Orazova.
Oqý-aǵartý mınıstrliginiń taratqan aqparatyna súıensek, «KERIS» sarapshylary A.Baıtursynuly atyndaǵy «Taldaý» ulttyq zertteýler jáne bilimdi baǵalaý ortalyǵy» aksıonerlik qoǵamy jáne IýNESKO-men birlesken baǵdarlama sheńberinde elimizdegi bilim alýshylardyń aqparattyq jáne kommýnıkasııalyq tehnologııalar tóńireginde saýattylyǵyn arttyrý úshin basshylyq qaǵıdattardy ázirleý boıynsha joba júrgizip jatyr. Elimizde sıfrlyq bilimdi damytý máselelerin zerdeleý úshin koreılik sarapshylar bilim salasyndaǵy túrli steıkholderlermen, atap aıtqanda, Astana qalasy bilim basqarmasynyń basshylarymen jáne mamandarymen, sondaı-aq pedagogtermen birqatar kezdesý ótkizdi. Joba qorytyndysy boıynsha koreılik sarapshylar elimizde júrgizilgen zertteýler negizinde tolyq esep pen otandyq bilim alýshylardyń sıfrlyq saýattylyǵyn damytý úshin praktıkalyq usynymdar ázirleıdi.