«Qazgıdromet» RMK 27 mamyrda Qazaqstan aýmaǵynda bolatyn sınoptıkalyq jaǵdaı men qaýipti aýa raıy qubylystary týraly boljamyn jarııalady, dep habarlaıdy Egemen.kz.
Búgin el aýmaǵynyń basym bóliginde kún raıyna sıklon jáne onymen baılanysty sýyq atmosferalyq aǵyndar áser etedi. Soǵan baılanysty túnde jaýyn-shashyn bolyp, eldiń shyǵysynda, soltústik-shyǵysynda qatty jańbyr kútiledi. Tek respýblıkanyń ońtústiginde aýa raıy ashyq, jaýyn-shashynsyz bolady. Respýblıka boıynsha ekpindi jel soǵyp, naızaǵaı oınaıdy, soltústikte, ortalyqta burshaq jaýýy múmkin, túnde ońtústik-shyǵysta tuman kútiledi.
Túnde Aqmola, Qaraǵandynyń batysynda, Ulytaý oblysynyń soltústiginde, Soltústik Qazaqstan oblystarynda, Túrkistan oblystarynyń taýly aýdandarynda 1-2 gradýs úsik júredi.
Qostanaıdyń ońtústiginde, batysynda, Atyraýdyń ońtústiginde, Qyzylordanyń shyǵysynda, Batys Qazaqstan oblystarynyń batysynda, ońtústik-batysynda, Abaı oblysynyń ortalyǵynda joǵary órt qaýpi kútiledi.
Abaı oblysynyń ońtústiginde, Jetisý oblysynyń shyǵysynda, Túrkistan oblysynyń shóldi aımaqtarynda óte joǵary órt qaýpi kútiledi.