Qazaqstannyń Ulttyq banki elimizdiń Tájikstanmen uzaq merzimdi valıýtalyq kelisimdi nege buzǵanyn túsindirdi, dep habarlaıdy Egemen.kz.
Qazaqstan men Tájikstan arasyndaǵy valıýtalyq kelisim 1999 jyldyń 16 jeltoqsanynan beri jalǵasyp keledi. 25 jyldan keıin kelisim toqtatyldy. Ulttyq banktiń habarlaýynsha, qujat ózektiligin joǵaltyp, sonyń ishinde Tájikstandaǵy ulttyq valıýtanyń birneshe jyldar boıy ózgerýine baılanysty ekeni belgili boldy.
«Memleketterde tıisti normatıvtik-quqyqtyq bazanyń qurylýyna baılanysty búgingi kúni halyqaralyq sharttyń erejeleri, onyń ishinde sharttyń ózinde kózdelgen Tájikstannyń aqsha birliginiń ataýy – tájik rýbli ózektiligin joǵaltty», delingen baspasóz habarlamasynda.
Kelisim boıynsha taraptardyń barlyq mindettemeleri oryndaldy, aıyrbastaý jáne aıyrbas baǵamyn turaqtandyrý máseleleri «Valıýtalyq retteý jáne valıýtalyq baqylaý týraly» zańmen retteledi.
Eske sala keteıik, 2000 jyldan bastap Tájikstanda tájik rýbliniń ornyna jańa valıýta – somonı engizildi.
Qyrmyzy JUMAǴALIQYZY,
EUÝ stýdenti