«Qazgıdromet» RMK 2024 jyldyń maýsym aıyna arnalǵan aýa raıy boljamyn jarııalady, dep jazady Egemen.kz.
Meteorologtardyń málimetinshe, maýsym aıynyń alǵashqy onkúndiginde Qazaqstan aýmaǵynda turaqsyz aýa raıy saqtalady.
Jıi jańbyr jaýyp, keı kúnderi nóser quıady. Naızaǵaı oınap, qatty jel soǵyp, burshaq jaýýy da yqtımal. Tipti onkúndiktiń basynda jáne ortasynda respýblıkanyń soltústiginde, ortalyǵynda, shyǵysynda, ońtústik-shyǵys aýdandarynyń taýly jáne taý bókterinde túnde qarǵa ulasatyn jańbyr jaýady dep boljanyp otyr.
Al aýa temperatýrasy jıi qubylady.
«Eldiń soltústik-batysynda, soltústiginde, ortalyǵynda, shyǵysynda túnde synap baǵany -5+3°S-tan +2+10°S-qa deıin, kúndiz +5+13°S-tan +20+28°S-ty kórsetse, Qazaqstannyń ońtústik jartysynda túnde -3+5°S-tan +8+15°S-qa deıin, kúndiz +13+23°S-tan +25+30°S-qa deıin jyly temperatýra bolady. Batysta kún raıy túnde +8+18°S-tan -3+7°S-qa deıin, kúndiz +18+25°S-tan +8+15°S-qa jetedi», delingen «Qazgıdromet» habarlamasynda.
Aıdyń ekinshi jáne úshinshi onkúndiginde Iran aýdandarynan keletin jyly aýa massalarynyń áserinen aýa temperatýrasy birtindep joǵarylaıtyny boljanǵan.
«Respýblıkanyń soltústiginde, ortalyǵynda, shyǵysynda aýa temperatýrasy túnde +10+18°S deıin, kúndiz +25+35°S, ońtústik jartysynda túnde +15+23°S deıin, kúndiz +30+40°C ystyq bolady.
Maýsym aıynyń ekinshi jáne úshinshi onkúndiginiń keı kúnderinde atmosferalyq fronttardyń ótýimen naızaǵaı oınap, jańbyr jaýady. Osy kúnderi ystyq báseńdeıdi. Soltústikte, ortalyq jáne shyǵys aımaqtarda aýa temperatýrasy kúndiz +15+25°S deıin, ońtústikte +20+28°S-qa jetedi», delingen «Qazgıdromet» habarlamasynda.
Jalpy maýsym aıynda ortasha aılyq aýa temperatýrasy respýblıkanyń basym bóliginde normadan 1-2° joǵary, elimizdiń batys aımaqtarynda normada bolady.
Al jaýyn-shashyn mólsheri respýblıkanyń basym bóliginde norma shamasynda, eldiń qıyr batysynda normadan kóp, Qazaqstannyń ońtústik, ortalyq óńirlerinde normadan az bolatyny boljanyp otyr.