Týrıstik maýsym qarsańynda QR Kólik mınıstrligi elimizdiń kýrorttyq aımaqtaryna qatynaıtyn áýe reısteri men temirjol poıyzdarynyń sanyn arttyrý sheńberindegi jumystardy jalǵastyryp jatyr, dep habarlaıdy Egemen.kz vedomstvonyń baspasóz qyzmetine silteme jasap.
Astana men Almatydan aptasyna 36 reıs jıiligimen Balqash jáne Alakól kólderine áýe reısteri oryndalady. Onyń ishinde ushaqtar 33 jıilikpen Alakólge, 3 jıilikpen Balqashqa deıin ushady. Áýe reısteri «Iýjnoe nebo» áýe kompanııasymen oryndalady.
Almaty qalasynan:
Úrjarǵa deıin (sýbsıdııalanatyn reıs): aptasyna 7 ret «Iýjnoe nebo» áýe kompanııasymen oryndalady. Sondaı-aq bıyl 1 shildeden bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommersııalyq reısterdi iske qosady; Úsharalǵa deıin (sýbsıdııalanatyn reıs): aptasyna 10 ret «Iýjnoe nebo» áýe kompanııasy oryndaıdy. Sonymen birge 16 maýsymnan bastap Qazaq Air áýe kompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommersııalyq reısterdi iske qospaq; Balqashqa deıingi kommersııalyq reısterdi «Iýjnoe nebo» áýekompanııasy oryndaıdy, aptasyna 3 reıs (sársenbi, juma, jeksenbi).Astana qalasynan:
Úrjarǵa 1 maýsymnan bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommersııalyq reısterdi iske qosady; Úsharalǵa bıyl 16 maýsymnan bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommersııalyq reısterdi iske qosýdy josparlap otyr.Sondaı-aq Alakól kóliniń baǵytynda qosymsha 3 Talgo poıyzy men 3 standartty poıyz júre bastaıdy:
1.№254/253 «Astana-Dostyq» (talgo);
2.№211/212 «Almaty-Dostyq» (talgo);
3.№207/208 «Almaty-Dostyq» (talgo);
4. №221/222 «Almaty-Dostyq» (standartty);
5. №457/458 «Semeı-Dostyq» (standartty);
6. №459/460 «О́skemen-Dostyq» (standartty);
7.№21/6942/6941/22 «Almaty-Dostyq» (tirkeme vagon);
8.№21/6942/6941/22 «Qyzylorda-Dostyq» (tirkeme vagon);
Búginde atalǵan baǵyttarda úsh poıyz jolaýshylardy tasymaldaıdy: №337/338 «Almaty-Dostyq», №6941/6942 «Aqtoǵaı-Dostyq», №53/54 «Astana-Dostyq» jáne «Astana-Dostyq» baǵytyndaǵy vagondar (№121/122 «Astana-Semeı» poıyzynyń quramynda, 3 kýpe vagon).
Sonymen qatar suranysqa ıe №201/202 Astana-Almaty; №203/204 Astana-Shymkent; №257/258 Oral-Astana baǵyttar boıynsha kommersııalyq poıyzdardy iske qosý josparlanyp otyr.
«Qazirgi tańda qoldanystaǵy baǵyttar boıynsha jyljymaly quramdy jazǵy kezeńge daıyndaý jumystary júrgizilip jatyr. Máselen, jeldetý jáne aýany baptaý júıelerin qaıta jańǵyrtý, aýa súzgilerin aýystyrý, sýmen jabdyqtaý júıesin jýý jáne dezınfeksııalaý, vagondardyń elektr jabdyqtaryn tekserý boıynsha is-sharalar qolǵa alyndy. Sondaı-aq tambýrlardy, jylytý júıeleriniń qubyrlaryn jáne basqa da bólshekterdi syrlaý ári vagon shanaqtaryn jýý jumystary júrgizilip jatyr», delingen habarlamada.
Qyrmyzy JUMAǴALIQYZY,
EUÝ stýdenti