Respýblıkalyq ekologııalyq aksııa aıasynda Temirlan tasjolynda ornalasqan gúlbaqtar tazalandy. Tazalyq is-sharasyna jalpy 100-den asa adam qatysty. Olardyń qatarynda aýdan turǵyndary, kásipkerler, zııaly qaýym ókilderi, belsendi jastar, eriktiler bar.
«Tazalyq – densaýlyq kepili» degen ustanymmen ótken is-sharada aǵash kesý, ákteý, shóp orý, sýarý, qoqystardan tazartý jumystary júrgizildi.
«Memleket basshysy tapsyrmasymen «Taza Qazaqstan» ekologııalyq aksııasy bastalǵaly beri aýdan turǵyndary kún saıyn ózi turatyn kóshe boıyndaǵy aryqtardy, jol jıekterin qoqystan tazartyp, belsendi qatysyp jatyr. Qala – ortaq úıimiz. Sondyqtan onyń kórkeıip, gúldenýine árbir turǵyn beıjaı qaramaı, qoqys-qaldyqtardy kez kelgen jerge laqtyrmaı, taza ustaýǵa atsalysýy qajet», deıdi Qyzyljar shaǵyn aýdanynyń ardagerler keńesiniń tóraǵasy Bastarhan Baıjanov.