Memleket basshysy Qasym-Jomart Toqaev Ázerbaıjan Prezıdenti Ilham Álıevti jáne ázerbaıjan halqyn ulttyq merekesi – Táýelsizdik kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
– Ázerbaıjannyń memlekettiligi men halyqaralyq bedelin nyǵaıtý isindegi tańqalarlyq jetistikteri osy tarıhı datanyń mán-mańyzyn arttyra túsedi. Qazaqstan baýyrlas Ázerbaıjannyń qol jetkizgen tabystaryna zor yqylaspen tileýlestik tanytyp, dostyq pen ózara qoldaý rýhyndaǵy san qyrly yntymaqtastyqty tereńdetýge erekshe nazar aýdarady. Qazaq-ázerbaıjan strategııalyq seriktestigi men odaqtastyǵy týysqan halyqtardyń ósip-órkendeýi jolynda bekı túsetinine senimdimin, – dep jazylǵan jedelhatta.
Qasym-Jomart Toqaev Ilham Álıevke jalpyulttyq kóshbasshy retinde tabys, al baýyrlas ázerbaıjan halqyna beıbitshilik, baq-bereke tiledi.