«Aqtóbeenergosnab» JShS QR UEM Tabıǵı monopolııalardy retteý komıtetiniń oblys boıynsha departamentine zańdy tulǵalar úshin elektr energııasyna tarıfti 1 kVt/saǵatyna 46,82 teńgeden 44,63 teńgege deıin (QQS esebinsiz) ıaǵnı 4,7%-ǵa tómendetý týraly habarlama berdi, dep habarlaıdy Egemen.kz Ulttyq ekonomıka mınıstrligine qarasty Tabıǵı monopolııalardy retteý komıtetine silteme jasap.
Tómendetilgen tarıf osy jylǵy 1 maýsymnan bastap engiziledi.
Tarıfti tómendetý UEM TMRK aýmaqtyq departamentteri rettelmeıtin energııamen jabdyqtaýshy uıymdardy elektr energııasymen jabdyqtaý jónindegi qyzmetterge lısenzııalardyń qoldanylýyn jýyrda toqtatqannan keıin múmkin boldy.
Atalǵan jumysty Úkimet Memleket basshysynyń deldal uıymdardy, onyń ishinde tutynýshylardy elektrmen jabdyqtaý tizbegindegi ónimsiz deldaldardy joıý jónindegi tapsyrmasy aıasynda júrgizgenin eske salaıyq.
Tarıfti tómendetýdiń alǵysharty tutynýshylardyń (oblystyń zańdy tulǵalary men bıýdjettik uıymdarynyń) rettelmeıtin energııamen jabdyqtaýshy uıymdardan elektr energııasyn kepildi jetkizýshige («Aqtóbeenergosnab» JShS) aýysýy boldy, bul kepildi jetkizýshiniń kórsetiletin qyzmetteriniń kólemin ulǵaıtý jaǵyna, tıisinshe tarıfti tómendetýge áser etti.
Elektr energııasy qyzmetterin úzdiksiz alý úshin buryn rettelmeıtin jetkizýshilerdi paıdalanǵan oblystyń zańdy tulǵalarynyń «Aqtóbeenergosnab» JShS-men jedel túrde tıisti sharttar jasasý múmkindigi bar.