ATYRAÝ. 15 qańtar. Atyraý oblysyndaǵy otandyq iri kásiporynnyń kóshbasshysy –«EmbiMunaıGaz» aksıonerlik qoǵamynyń bas dırektory aýysty. Bul týraly egemen.kz tilshisi habarlady.
Atalǵan aksıonerlik qoǵamnyń dırektorlar keńesiniń sheshimimen Qurmanǵazy Esqazıev «EmbiMunaıGaz» bas dırektorlyǵyna taǵaıyndaldy. Jańa basshyny ujymǵa «QazMunaıGaz» UK» AQ basqarma tóraǵasy Saýat Myńbaev tanystyrdy. Al, buǵan deıin bas dırektor qyzmetin atqarǵan Mahambet Dosmuhambetovtyń ókilettigi basqa jumysqa aýysýyna baılanysty merziminen buryn toqtatyldy.
«Mahambet Dosmuhambetov qyzmet etken ýaqyt aralyǵynda bizdiń enshiles kompanııamyz «EmbiMunaıGazda» munaı óndirý jospary oryndalyp otyrdy, ilespe gazdy zalalsyzdandyrý boıynsha birneshe qondyrǵy ornatyldy, 2014 jyly «Embimunaıgazdyń» ujymdyq sharty «Paryz» bıznestiń áleýmettik jaýapkershiligi baıqaýynyń syılyǵyna ıe boldy, – dep atap ótti Saýat Myńbaev. – Qurmanǵazy Esqazıev – óndiriste tájirıbesi mol bilikti basshy. Onyń aldynda munaı óndirisi josparyn oryndaý, qaýipsizdik sharalaryn qamtamasyz etý, ekologııalyq talaptardy buljytpaı oryndaý, ınnovasııalyq tehnologııalardy engizý jáne eńbek ujymynda áleýmettik turaqtylyqty qamtamasyz etý sııaqty mańyzdy mindetter tur».
Qurmanǵazy Esqazıev 1965 jyldyń 11 mamyrynda týǵan. 1993 jyly V.I. Lenın atyndaǵy Qazaq polıtehnıkalyq ınstıtýtynyń Munaı fakýltetin bitirgen. 2006 jyly Tomsk polıtehnıkalyq ýnıversıtetin geologııa-mıneralogııa ǵylymdarynyń kandıdaty kvalıfıkasııasyn alýmen bitirip shyqqan. Eńbek jolyn 1985 jyly «Embaneft» óndiristik birlestiginde bastaǵan. 2004-2008 jyldar aralyǵynda «QazMunaıGaz» Barlaý.О́ndirý» kompanııasynda geologııa jáne ıgerý departamenti dırektorynyń orynbasary, departament dırektory qyzmetterin atqarǵan. Budan keıin «QazMunaıGaz» UK» AQ-ta munaı men gazdy óndirý jónindegi atqarýshy dırektor, geologııa, geofızıka jáne rezervýarlar boıynsha basqarýshy dırektor, bas geolog qyzmetterin atqarǵan.
Joldasbek Shópeǵul,
Derek: «EmbiMunaıGaz» AQ baspasóz qyzmeti.
Sýret: egemen.kz.