Osy jyldyń 14 qyrkúıegi men 6 qazany aralyǵynda fýtzaldan О́zbekstannyń Tashkent, Buqara jáne Andıjan shaharlarynda ótetin H álem chempıonatynyń jerebesi tartyldy.
Jerebe tartý rásimi Samarqannyń Regıstan alańynda ótti. Qazaqstannyń ulttyq quramasy D tobyna tústi. Qarsylastarymyz – Ispanııa, Jańa Zelandııa jáne Lıvııa. Osylardyń arasynda eń azýlysy Pıreneı túbeginiń ókilderi ekeni daýsyz. Olar 2000 jáne 2004 jyldary álem chempıony atanyp, jeti ret Eýropa birinshiliginde (1996, 2001, 2005, 2007, 2010, 2012, 2016) bas júldeni oljalady. 2016 jyly jalaýy jelbiregen dúnıejúzilik dodanyń 1/8 fınalynda ıspandyqtarmen jolymyz qıysyp, 2:5 esebimen ese jibergen edik. 2018 jyly qart qurlyqtyń basty jarysynda olarmen qaıta kezdestik. Bul básekeniń negizgi ýaqyty teń aıaqtalyp, penaltı soǵý barysynda qarsylas komandanyń baǵy jandy – 5:5 (penaltıden – 1:3). Al Jańa Zelandııa men Lıvııany utý otandyq fýtzalshylar úshin eń qıyndyq týǵyzbaıdy dep oılaımyz.
О́zbekstandaǵy dop dodasynyń ózge toptarynda myna komandalar ózara kúsh synasady: A toby – О́zbekstan, Nıderland, Paragvaı, Kosta-Rıka. V toby – Brazılııa, Kýba, Horvatııa, Taıland. S toby – Argentına, Ýkraına, Aýǵanstan, Angola. E toby – Portýgalııa, Panama, Tájikstan, Marokko. F toby – Iran, Venesýela, Gvatemala, Fransııa.
Fýtzaldan álem chempıonaty 1989 jyldan beri uıymdastyrylyp keledi. Bul jarysta Brazılııa quramasy eń kóp oljaǵa keneldi. Ońtústik Amerıkanyń oǵlandary 5 ret bas júlde oljalady. Odan bólek, brazılııalyqtardyń qorjynynda 1 kúmis pen 2 qola medal bar. Ispanııanyń órenderi bes básekeniń fınalyna shyǵyp, eki ret top jardy. Pıreneı túbeginiń túlekteri taǵy bir jarysty úshinshi orynmen qorytyndylady. Argentına (1 altyn, 1 kúmis) men Portýgalııa (1 altyn, 1 qola) quramalary bir-bir retten teńdessiz dep tanyldy. Sondaı-aq júlde alǵandar qatarynda Nıderland (1 kúmis), AQSh (1 kúmis, 1 qola), Italııa (1 kúmis, 2 qola), Reseı (1 kúmis, 1 qola) jáne Iran (1 qola) quramalary bar.
Sońǵy álem chempıonaty osydan úsh jyl buryn Lıtvada uıymdastyryldy. Baltyq jaǵalaýynda Portýgalııanyń oıynshylary aldaryna jan salmady. Fınalda olar Argentınany 2:1 esebimen utty. Qola medal úshin matchta Brazılııa men Qazaqstan quramalary kúsh synasty. Bul báseke 4:2 esebimen brazılııalyqtardyń paıdasyna sheshildi. Nátıjesinde, Lıtvadaǵy dop dodasyn otandastarymyz tórtinshi orynmen qorytyndylady.
Al buǵan deıin Qazaqstannyń fýtzalshylary dúnıejúzilik dodaǵa taǵy eki ret qatysqan edi. Tarqatyp aıtsaq, 2000 jyly Gvatemalada toptyq týrnırde súrinsek, 2016 jyly Kolýmbııadaǵy jarystyń 1/8 fınaldyq mejesinde Ispanııaǵa (2:5) ese jiberdik.