«Atameken» UKP Basqarma Tóraǵasy Raıymbek Batalov bastaǵan delegasııa Qytaı astanasy Beıjińde ınvestısııa jármeńkesin aralady, dep habarlaıdy Egemen.kz.
Aıta keteıik, jármeńke 96 memleket pen 2,2 myń kásipkerdi bir alańda biriktirdi.
Atalmysh jármeńkede jańa jahandyq damý múmkindikteri men ınvestısııalyq jospardy ázirleýge basymdyq berilgen. Dálirek aıtsaq, aımaqtyq yntymaqtastyqqa, óndiris oryndaryn baılanystyrýǵa, tehnologııalyq ınnovasııalarǵa, jasyl jobalarǵa jáne jasandy ıntellekt áleýetine basa nazar aýdarylǵan.
«Qytaı men Eýrazııa aımaǵy arasyndaǵy jańa ınvestısııalyq damý» sessııasynda sóz sóılegen Raıymbek Batalov Qazaqstan-Qytaı yntymaqtastyǵynyń joǵary kórsetkishteri týraly baıandady.
О́tken jyldyń sońynda qos el ekijaqty saýda kólemin 30 paıyzǵa arttyryp, 31,5 mıllıard dollarlyq jetistikke jetip, tarıhı rekordty jańartqan edi.
Sondaı-aq UKP tóraǵasy sessııaǵa qatysýshylardy Qazaqstan ekonomıkasynyń damýynyń negizgi baǵyttarymen jáne onyń artyqshylyqtarymen tanystyrdy. Atap aıtqanda:
atom energııasynyń jáne jańartylatyn energııa kózderiniń áleýeti; gaz tasymaldaý júıesin keńeıtý; óńdeýshilerge jeńildetilgen baǵamen metaldardy tereń óńdeý.Sondaı-aq Qazaqstan Syrtqy saýda palatasynyń tóraǵasy Murat Qarymsaqovtyń málimeti boıynsha, elimizdiń barlyq ınvestısııalyq múmkindikterin tanystyrý maqsatynda Qytaıdaǵy kásipkerlermen, iri qorlardyń jáne ulttyq kompanııalardyń ókilderimen kezdesýler ótti.
Nátıjesinde HENAN ZHENGZHOU MINING MACHINERY CO., LTD kompanııasy táýligine 200 tonna ák shyǵaratyn peshti Túlkibas ák zaýytyna satyp alý jáne ony odan ári jańǵyrtý týraly kelisimge keldi.
Odan soń Raıymbek Ánýaruly jármeńkeni uıymdastyrǵan Chinese Overseas Development Association (CODA) tóraǵasy He Chjenveımen kezdesti.
Aıta keteıik, bul Raıymbek Batalov pen He Chjenveıdiń birinshi kezdesýi emes. Byltyr tamyz aıynda «Atameken» UKP ekijaqty ınvestısııalar úshin ózara jaǵdaı jasaýǵa arnalǵan yntymaqtastyq týraly memorandýmǵa qol qoıǵan edi.