Aqsý ferroqorytpa zaýytynda bolǵan órtte qatty termııalyq kúıik alǵan jas kranshy qyz qaıtys boldy, dep habarlaıdy Egemen.kz
Densaýlyq saqtaý basqarmasynyń málimetinshe, kranshy qyz 29 mamyrda qaıtys boldy. Buǵan deıin jábirlenýshiniń Pavlodardaǵy aýrýhanada es-tússiz kúıde jatqany, ony 25 mamyrda Aqsýdan sanıtarlyq avıasııamen alyp ketkeni habarlandy. Aýrýhanaǵa túsken sátten bastap onyń jaǵdaıy óte aýyr boldy. Zaýyt jumysshysynyń ólimi týraly aqparatty Pavlodar oblysynyń eńbek basqarmasy rastady.
Kranshy zardap shekken tótenshe jaǵdaıdyń sebepteri men mán-jaıyn arnaıy komıssııa tekserip jatyr.
«Aldyn ala málimetter boıynsha, shlak salynǵan shómish sýy bar shuńqyrǵa túsip, sonyń saldarynan metall aǵyp ketken», dep túsindirdi Pavlodar oblystyq eńbek basqarmasy.
Qyrmyzy JUMAǴALIQYZY,
EUÝ stýdenti