Qazaqstannyń Mysyrdaǵy elshisi Berik Aryn Ál-Azhar Bas ımamy jáne Sheıhy doktor Ahmad At-Taıebpen kezdesti.
Kezdesýdiń negizgi taqyryby Qazaqstan Prezıdenti N.Á.Nazarbaevtyń bastamasy – Álemdik jáne dástúrli dinder kóshbasshylary sezi sheńberinde álemde dinaralyq jáne konfessııaaralyq únqatysýdy damytý baǵytynda eki el arasyndaǵy ózara yntymaqtastyq boldy. Buǵan qosymsha, taraptar Qazaqstan men Mysyrdyń birlesken jobasy «Nur-Múbárak» ýnıversıtetiniń qyzmetine, sondaı-aq, qazaqstandyq stýdentterdiń «Ál-Azhar» ýnıversıtetinde bilim alýyna qatysty máselelerdi qarastyrdy. B. Aryn 2014 jylǵy 17-18 qyrkúıekte Astanada ótken dinaralyq forým hatshylyǵynyń XIII otyrysyna Ál-Azhar jáne Mysyrdyń Ýaqyftar mınıstrligi ókilderiniń qatysqandary úshin alǵys bildirdi. Osy turǵyda ol Qazaqstan basshylyǵynyń Ál-Azhar sheıhynyń memleketimizdiń elordasynda osy jylǵy maýsymda ótetin Álemdik jáne dástúrli dinder kóshbasshylarynyń V sezine qatysýyn kútetinin jetkizdi.
«Egemen-aqparat».