Oblys ortalyǵy Qonaev qalasy kún ótken saıyn kórkeıip, gúldenip keledi. Jýyrda «Taza Qazaqstan» aksııasy aıasynda shahardaǵy saıabaqtarǵa, eskertkishterdiń mańyna, kóshelerdiń boıyna kóz qýantar 70 myń gúl egildi.
Gúldendirý jumystaryn «Jasyl qala Qonaev» memlekettik kommýnaldyq kásiporny júzege asyryp jatyr. Jyl basynan beri atalǵan mekeme qalaǵa 500-den asa aǵash kóshetterin otyrǵyzǵan.
«Qalamyzdyń adam qyzyǵarlyq ajarly, kórikti bolýy – bárimiz úshin zor qýanysh. Búgingi tańda otyrǵyzylǵan barlyq aǵashty kútip ustaý, jersindirý maqsatynda olardy dárýmendermen sýaryp jatyrmyz. Bul jolda qoldanylatyn mıkroelementterdiń adam densaýlyǵyna eshqandaı zııany joq, allergııa týdyrmaıdy. Sondaı-aq turǵyndar ótinishi boıynsha jaramsyz aǵashtardy kesý jumystary da júzege asyrylady», deıdi «Jasyl qala Qonaev» memlekettik kommýnaldyq kásipornynyń basshysy Mark Beıdalı.
Jaz maýsymy bastalǵaly týrıster sany eselep artatyn qalanyń tazalyǵyn saqtaý úshin kún saıyn 150 jumysshy tabandy túrde eńbek etedi. Sonymen qatar 25 tehnıka jumyldyrylǵan.
Elimizde júzege asyp jatqan «Taza Qazaqstan» naýqany aıasyndaǵy bes aptalyqqa 22 830 turǵyn qatysyp, 2 251 aǵash otyrǵyzyldy.
Almaty oblysy