Ulttyq bank sarapshylar qaýymdastyǵy arasynda júrgizilgen kezekti makroekonomıkalyq saýalnamanyń nátıjelerin jarııalady. Saýalnamanyń negizgi parametrleri – Brent markaly munaıdyń baǵasy, el ekonomıkasynyń ósýi, ınflıasııa, bazalyq mólsherleme, taýar jáne qyzmetterdiń eksporty men ımporty, sondaı-aq ulttyq valıýta baǵamy.
Bıyl mamyr aıynda munaı baǵasy boıynsha ssenarıı sharttary eleýli ózgeristerge ushyraǵan joq. Respondentterdiń ortasha kútýi boıynsha 2024 jyly Brent markaly munaıdyń baǵasy ortasha eseppen barreline 83,3 dollar deńgeıinde qalyptasady. 2025 jáne 2026 jyldarǵy kútýler 80,0 dollar deńgeıinde saqtalyp otyr.
2024 jáne 2026 jyldarǵa ekonomıka boıynsha boljam 4,3% jáne 4,5%-ǵa deıin qaıta qaralǵan. 2025 jyly, burynǵydaı 5,0% deńgeıinde ósim kútiledi. 2024–2025 jyldarǵa ınflıasııa boljamy aldyńǵy saýalnama nátıjelerinen asa erekshelenbeı 8,5% jáne 6,8% boldy.
Bazalyq mólsherleme boıynsha boljam ózgermegen. Jylyna orta eseppen – 14%.
Makroekonomıkalyq saýalnamaǵa Ulttyq bank boljamy kirmeıdi. Onda ishki jáne álemdik naryqtaǵy ahýaldyń damý barysyna qatysty naryqtyń kásibı qatysýshylarynyń táýelsiz pikirine, baǵalaýyna jáne kútýine sholý jasalǵan.