Jolaýshylar mingen avtobýs Almaty - Shelek - Qorǵas tas jolynda júk kóligimen soqtyǵysqan. Saldarynan avtobýstyń júrgizýshisi qaza taýyp, 11 adam jaraqat aldy, dep habarlaıdy Egemen.kz.
Almaty oblysy polısııa departamentiniń habarlaýynsha, avtobýs júrgizýshisi ustaldy. JKO faktisi boıynsha tergeý júrgizilýde.
- Aldyn ala málimetterge sáıkes, Yutong avtobýsynyń júrgizýshisi qashyqtyqty saqtamaǵan jáne Mercedes Benz 2540l Actros júk kóligimen soqtyǵysýǵa jol bergen. Apat saldarynan aldyńǵy oryndyqta otyrǵan ekinshi avtobýs júrgizýshisi jaraqat alyp, oqıǵa ornynda qaıtys boldy, - dep habarlady polısııa.
Apat kezinde avtobýs salonynda 40 jolaýshy bolǵan. Olardyń on biri túrli jaraqat aldy. Bir adam aýrýhanaǵa jatqyzyldy, qalǵandary ambýlatorııalyq emdelýge jiberildi.