Prezıdent Qasym-Jomart Toqaev joldardy búldiretin shamadan tys júktelgen kóp tonnalyq júk kólikterine aıyppul salýdy tapsyrdy, dep habarlaıdy Egemen.kz
«Avtomagıstraldardy paıdalaný isine baqylaýdy kúsheıtý qajet. Jol jabyndysyn buzatyn birneshe tonnalyq júk kólikterine aıyppul salý kerek», dedi Memleket basshysy Almatyda ótken ǵalymdarmen kezdesýde.
Onyń aıtýynsha, joǵary sapaly kólik baǵyttary kez kelgen damyǵan eldiń ajyramas ereksheligi, óıtkeni olar tek kapıtaldy ǵana emes, bilimdi qajet etetin jobalardy da usynady.
«Sondyqtan jol salasyndaǵy qazaqstandyq kompanııalar ǵylymı tásildi qoldanýǵa jáne ınnovasııalardy engizýge jańa múmkindikterdi tolyq paıdalanýy qajet.
Jalpy, bilimge negizdelgen ekonomıka qurý úshin ǵylymı mekemeler men bıznestiń ózara tyǵyz baılanysyn qamtamasyz etý mańyzdy. Bul jumys barysynda ǵylymı ıdeıalardy kommersııalyq tabysty ónimge aınaldyratyn ınnovasııalyq klasterler, tehnoparkter men bıznes-ınkýbatorlar ashylady. Mundaı qurylymdar tıisti jobalarǵa ıdeıadan bastap ony naryqta júzege asyrýǵa deıingi barlyq kezeńde qoldaý kórsetýi kerek», dep qosty Memleket basshysy.
Qyrmyzy JUMAǴALIQYZY,
EUÝ stýdenti