Oblystyq Qazaqstan halqy Assambleıasynyń «Birlik – damýdyń negizi» atty III sessııasynyń jumysy qorytyndylandy. Jıynǵa arnaıy qatysqan oblys ákimi Beıbit Isabaev el birligin nasıhattap júrgen azamattarǵa alǵysyn jetkizdi. Keler jyly kúzde oblys ortalyǵynda Dostyq alleıasy boı kóteredi. Sondaı-aq Dostyq úıine aǵymdaǵy jóndeý jumystary júrgizilmek.
QHA-nyń aldaǵy 30 jyldyǵy aıasynda óńirde túrli is-shara uıymdastyrylyp jatyr. Sonyń biri osy – keleli kezdesý. Oǵan etnomádenı jáne qoǵamdyq birlestikterdiń basshylary, QHA músheleri men jastar qanaty qatysyp, qazaq halqyna degen qurmetin jetkizdi. Sessııa sheńberinde Qazaqstan halqy Assambleıasynyń «Birlik. Jasampazdyq. О́rleý» atty XXXIII sessııasynda Memleket basshysynyń alǵa qoıǵan mindetteri týraly oblystyq ardagerler keńesiniń tóraǵasy Ermek Kelemseıit, «Slavıan qozǵalysy» qoǵamdyq birlestiginiń tóraǵasy Natalıa Belık, Qazaqstan uıǵyrlary respýblıkalyq etnomádenı ortalyǵy fılıalynyń jetekshisi Týrgan Zaıtov, oblystyq koreı etnomádenı birlestigi tóraǵasynyń orynbasary Vladımır Lı pikir bólisti.
Spıkerler QHA-nyń qoǵamdaǵy birlik pen kelisimdi nyǵaıtýdaǵy, memlekettik tildi damytý jónindegi sharalardyń tıimdiligin arttyrýdaǵy róline erekshe toqtalyp, oblystyq Assambleıa júzege asyryp jatqan birqatar volonterlik joba týraly aıtyp berdi. О́z kezeginde Natalıa Belık Dostyq úıinde oblys ákiminiń tapsyrmasymen QHA músheleriniń ótinishi eskerilip, shtat birligi bólingenin, sonyń nátıjesinde qazaq tiliniń tegin kýrstary ashylǵanyna alǵys bildirdi. Endi oqý kabıneti lıngafondyq jabdyqtarmen qamtamasyz etilse degen tilegin jetkizdi. Beıbit Isabaev bul usynysty qoldaıtynyn aıtty.
Jıyn barysynda etnomádenı jáne qoǵamdyq birlestikter ókilderi men QHA múshelerine sý tasqynynan zardap shekken óńirlerdiń turǵyndaryna belsendi kómek kórsetkeni úshin alǵysyn bildirdi. Ol Qazaqstan halqy Assambleıasynyń «Birlik. Jasampazdyq. О́rleý» atty XXXIII sessııasynda el Prezıdenti etnomádenı birlestikter men QHA qurylymdary ókilderiniń sý tasqynyna qarsy kúreske jáne zardap shekkenderge kómek kórsetýge qosqan úlesin erekshe atap ótkenin eske saldy.
О́ńir ákimi baspasóz qyzmetiniń málimetinshe, etnos ókilderiniń «Júrekten – júrekke» aksııasy men «Qaıyrymdyq kerýeni» jobasy aıasynda Jetisý oblysynan sý tasqynynan zardap shekkenderge jalpy somasy 99 mln teńgege 260 tonna azyq-túlik, kıim-keshek jáne birinshi kezektegi qajetti zattar jiberilgen. Sondaı-aq Qazaqstan halqynyń birligi kúni aıasynda alǵash ret ótkizilgen qaıyrymdylyq jármeńkesinde «Jastar» saıabaǵynda oqýshylar men stýdentterdiń qoldan jasalǵan buıymdary, qolóneri men avtorlyq sýretteri 2 mln 715 myń teńgege satyldy. Sonymen birge oblys turǵyndarynan «Demeý» qaıyrymdylyq qorynyń shotyna 170 mln 600 myń teńge jiberildi. «Alacem» sement zaýyty 1 myń tonna sement joldady.
Oblys ákimi sózinde Assambleıa jumysynda rýhanııatty damytýǵa, otbasylyq qundylyqtardy nasıhattaýǵa úlken mán berilip kele jatqanyn atap ótti.
«Prezıdent balalardyń qaýipsizdigi men quqyqtaryn qorǵaýǵa erekshe kóńil bóledi. Bizdiń basty mindetimiz – balalarǵa psıhologııalyq jáne basqa da baǵyttarda kómek kórsetý, býllıngtiń, kámeletke tolmaǵandarǵa qatysty zorlyq-zombylyqtyń aldyn alý. Osyǵan baılanysty oblysta «Ádep-quqyqtyq jumys jónindegi mentor» jobasy qolǵa alyndy, ol ótken jyldan bastap Taldyqorǵan qalasynda, al bıylǵy qańtardan bastap Panfılov aýdanynda júzege asyrylyp keledi. Polısııa departamentiniń derekterine qaraǵanda, búgingi kúni oblys ortalyǵynyń mektepterinde balalar tarapynan jáne olarǵa qatysty quqyq buzýshylyqtar sany 24-ten 8-ge tómendegen, ıaǵnı sáıkes kezeńmen salystyrǵanda 3 ese azaıdy. Osyǵan baılanysty sizderdi osy jobaǵa belsendi qatysýǵa, óskeleń urpaqtyń tárbıesine, balalardyń qarym-qatynasyndaǵy zorlyq-zombylyqty joıýǵa úles qosýǵa shaqyramyn. Biz óz tarapymyzdan 1 qyrkúıekten bastap Tekeli qalasy men 8 aýdannyń ortalyqtaryndaǵy mektepterde osy jobany júrgizýdi josparlap otyrmyz», dedi B.Isabaev.
Sol sııaqty ol 2025 jyly Qazaqstan halqy Assambleıasynyń qurylǵanyna 30 jyl tolatynyn, mereıtoılyq is-sharanyń qurmetine keshendi is-sharalar josparyn ázirleý qajettigin aıtyp, oblystyq QHA múshelerine usynysyn jetkizdi. Dostyq úıine aǵymdaǵy jóndeý júrgiziletinin, ony qyrkúıekke deıin aıaqtaý josparlanyp otyrǵanyn aıtty.
«Ulttyq kostıýmderge qatysty ótinishterińiz de nazardan tys qalǵan joq. Oǵan 20 mln teńge bólindi, merdiger anyqtaldy, jumys bastaldy. Sonymen qatar kúzde «Jastar» saıabaǵynda Dostyq alleıasy paıda bolady, ornyn belgiledik, qyrkúıek-qazan aılarynda qylqan japyraqty aǵashtar otyrǵyzamyz», degen oblys ákimi aýdan, qala ákimderine, oblystyq qoǵamdyq damý basqarmasynyń basshylyǵyna, basqa da jaýapty tulǵalar men uıymdarǵa sarapshylardy, etnomedıatorlardy, qoǵamdyq uıymdardyń ókilderin, qoǵamdyq pikir kóshbasshylaryn tarta otyryp, qoǵamda etnostyq alaýyzdyqqa jol bermeý atmosferasyn qalyptastyrý sharalaryna erekshe nazar aýdarýdy tapsyrdy. Ásirese shalǵaı aýdandarda dostyq pen etnosaralyq kelisimniń mańyzdylyǵy týraly belsendi aqparattyq jumysty jalǵastyrý qajet, sondaı-aq tutastaı alǵanda Qazaqstan halqy Assambleıasyn damytýdyń 2022-2026 jyldarǵa arnalǵan tujyrymdamasy sheńberinde qarqyndy jumys isteý kerek.
«Bizdiń birligimiz bir-birimizge qurmetpen qaraýdan qalyptasady. Bir-birimizdiń tilimizdi, mádenıetimizdi meńgere otyryp, biz rýhanı baıyp, berekemiz kúsheıip, dúnıetanymymyzdy keńeıte túsemiz. Bárimiz elimizde saltanat qurǵan beıbitshilik pen kelisimdi saqtaýymyz kerek. Bul Qazaqstan halqy Assambleıasynyń ulttyq saıasat salasyndaǵy róli budan bylaı da arta túsetinin bildiredi.
Osy oraıda siz ben bizge osy mıssııany oryndaýda jáne Memleket basshysynyń tapsyrmalaryn iske asyrýda úlken jaýapkershilik artylady», dep túıindedi sózin B.Isabaev.
Sessııa sońynda óńirdegi qoǵamdyq kelisim men birlikti nyǵaıtýǵa úles qosqan azamattar marapattaldy. Oblystyq orys etnomádenı qoǵamdyq birlestiginiń tóraǵasy Larısa Kotelnıkovaǵa Qazaqstan Respýblıkasy Prezıdentiniń Alǵyshaty berildi. Etnomádenı jáne qoǵamdyq birlestikterdiń birqatar ókiline oblys ákiminiń Alǵyshaty tabys etildi. Sessııa bastalar aldynda Tilder saraıynyń zalynda oblystyq QHA músheleri ósirgen ónimderiniń, jasaǵan qolóner buıymdarynyń, sporttyq jetistikteriniń shaǵyn kórmesi uıymdastyryldy.
Aıta keteıik, oblystyq QHA-nyń qazirgi quramynda 22 etnomádenı birlestik, 124 Analar keńesi, 121 Aqsaqaldar keńesi bar. Dostyq úıinde medıasııa kabıneti, aýdan, qala ákimdikteriniń janyndaǵy 15 medıatıvtik alań, ǵylymı-saraptamalyq top, I.Jansúgirov atyndaǵy Jetisý ýnıversıtetindegi QHA kafedrasy, jetekshi jýrnalıster men sarapshylar klýby, «Jastar Assambleıasy» jastar qozǵalysynyń oblystyq ókildigi jumys isteıdi.
Jetisý oblysy