27 jyl buryn adam urlaý men kisi óltirýge qatysqan 63 jastaǵy qylmysker Belgııadan Almatyǵa jetkizildi, dep habarlaıdy Egemen.kz Almaty polısııa departamentiniń baspasóz qyzmetine silteme jasap.
Almaty qalalyq IID málimetinshe, ustalǵan kúdikti 1997 jylǵy maýsymda Novosibirde jerlesin urlap, óltirýge qatysqan. Urlanǵan adamdy bosatý úshin týystarynan 100 myń dollar aqsha bopsalaǵany belgili boldy.
Shabýyl jasaýshylardyń bul aýyr qylmysty toptasyp, aldyn ala sóz baılasý arqyly jasaǵany anyqtaldy.
«Tergeý barysynda qylmysqa qatysýshylar ustalyp, olarǵa ártúrli jaza taǵaıyndaldy. Sot organdarynan qashyp ketken olardyń birine qatysty syrttaı qamaýǵa alý túrindegi bultartpaý sharasy, sondaı-aq memleketaralyq jáne halyqaralyq izdeý jarııalandy», dedi Almaty qalalyq polısııa departamenti bastyǵynyń orynbasary, polısııa polkovnıgi Qýatbek Naýatov.
Izdeýde júrgen azamat jalǵan derektermen Belgııada jasyrynyp júrgeni anyqtaldy. Kúdikti Almaty qalalyq prokýratýrasynyń kelisýimen jáne Interpoldyń kómegimen ustalyp, Almatyǵa jóneltildi.
Qazir ol ýaqytsha ustaý ızolıatorynda otyr.
Qyrmyzy JUMAǴALIQYZY,
EUÝ stýdenti