Aqtóbe qalasynyń №2 sotynda qyzmetine nemquraıly qaraǵan úsh polıseıge úkim shyqty, dep jazady Egemen.kz.
Tártip saqshylary 2023 jyly 11 qarashada ýaqytsha ustaý ızolıatoryn kúzetýge mindettelgen. Alaıda tún ortasynda úsh polıseı de uıyqtap qalǵan. Muny baıqaǵan 2 aıyptalýshy kameranyń esigin ashyp, izin sýytqan.
Polısııa men Ulttyq ulan qyzmetkerleriniń birlesken is-áreketiniń arqasynda olar 12 qarasha kúni tańerteń qolǵa túsken.
Osy isti qaraǵan sot 3 polıseıdi de 1 jyl bas bostandyǵynan aıyrdy. Tergeý barysynda 2 polısııa ǵana kinálaryn tolyq moıyndaǵan.
Sot Aqtóbe oblystyq Ishki ister departamenti bastyǵyna aldaǵy ýaqytta osyndaı faktilerdiń qaıtalanbaýy úshin qajetti sharalardy qabyldaý týraly jeke uıǵarym shyǵardy.