Jarys kúndeligi

Slovenııanyń Koper qala­synda sporttyq gımnastıkadan aıaqtalǵan «Challenge Cup» týr­nırinde Dıas Toı­shybek «at» jattyǵýy boıynsha 14,150 upaıdy enshilep, kúmis medaldy moınyna ildi. Bul básekede ýkraınalyq Ilıa Kovtýn (14.900) altyn tuǵyrǵa kó­terilse, horvatııalyq Mateo Zýgıch qo­­­laǵa qol sozdy. Parıj Olımpıadasyndaǵy grek-rım, erkin jáne áıelder kú­resinen ótetin básekelerde Qa­zaqstannyń eki tóreshisi qazylyq etedi. Olar – Erik Jumabekov pen Igor Lıgaı. Halyqaralyq sporttyq zert­teý ortalyǵy (CIES Football Observatory) jasyl alańda óner kórsetip júrgen eń qundy qaq­pashylardyń reıtıngin ja­rııa­lady. Úzdikter kóshin shveısarııalyq Gregor Kobel («Borýssııa» Dort­mýnd) men ýkraınalyq Anatolıı Trý­bın («Benfıka») bastap tur. Olar­dyń árqaısysy 66 mıllıon eýroǵa ba­ǵa­lanýda. Odan keıingi sa­tylarǵa myna qaqpashylar jaı­ǵasty: Dıogý Kosh­ta («Portý») – 56 mln, Djanlýıdjı Don­narýmma (PSJ) – 53 mln, Andre Onana («Man­chester Iýnaıted») – 51 mln, Bart Verbrıýgge («Braıton») – 47 mln, Eder­son («Manchester Sıtı») – 43 mln, An­dreı Lýnın («Real») – 39 mln, Maık Menıan («Mılan») – 37 mln, Georgıı Ma­mardashvılı («Valensııa») – 37 mln evro.