Qostanaı oblysynda áıelin uzartqysh symmen tunshyqtyryp óltirgen polısııa aǵa leıtenantyna qatysty sot úkimi jarııalandy, dep habarlaıdy Egemen.kz.
Bul týraly Orda.kz tilshisi habarlady.
Anyqtalǵandaı, er adam áıelin uzartqysh symmen tunshyqtyryp óltirip, keıin ózine qol jumsamaqshy bolǵan.
Sottalýshy Jaslan Tólegenov Qostanaı qalalyq IIB patrýldik polısııa batalonynyń jaýyngerlik bóliminiń ınspektory bolyp jumys istegen. Zarechnoe aýylynda 1998 jyly dúnıege kelgen polıseıdiń asyraýynda eki balasy bar.
Úkimdi sýdıa Adelııa Hasenova jarııalady.
«Sot úkimimen Jaslan Tólegenov Qazaqstan Respýblıkasy Qylmystyq kodeksiniń 99-babynyń 1-bóliginde kózdelgen qylmystyq teris qylyq jasaǵany úshin kináli dep tanylyp, toǵyz jylǵa bas bostandyǵynan aıyryldy. Onyń jazasy qatań rejımdegi qylmystyq-atqarý júıesinde ótelsin. Tólegenovti polısııa aǵa leıtenanty arnaıy ataǵynan aıyrý kózdelsin», dedi sot.
Sot úkimi jarııalanǵannan keıin sottalýshynyń anasy BAQ ókilderinen onyń jáne ulynyń sýretin jarııalamaýdy surady.