Maýsym aıynda Ulttyq ulannyń «Batys» óńirlik qolbasshylyǵyna qarasty Aqtóbe qalasynda ornalasqan 6655 áskerı bólimi jas sarbazdarmen tolyqty. Áskerı bólimge Mańǵystaý, Túrkistan, Almaty oblystary men Almaty qalasynyń ózinen 115-ten astam sarbaz shaqyrtylǵan, dep habarlaıdy Egemen.kz «Batys» óńirlik qolbasshylyǵynyń baspasóz qyzmetine silteme jasap.
Otan aldyndaǵy boryshyn óteýge kelgen sarbazdardy temirjol vokzalynan áskerı bólim orkestriniń sazdy áýenimen birge 6655 áskerı bóliminiń komandıri polkovnık Edilhan Aımaǵambetov qarsy aldy. Sodan keıin, jas tolyqtyrymdy áskerı bólim basshylyǵy jáne oqý pýnktiniń ákimshiligi áskerı bólim aýmaǵynda kútip aldy.
«Jas sarbazdarǵa barlyq jaǵdaı jasalǵan. Aldaǵy ýaqytta áskerı bólimge kelgen jas sarbazdar bir aı kóleminde jas jaýynger atty arnaıy kýrstan ótkiziledi», dedi áskerı bólim komandıriniń tárbıe jáne áleýmettik-quqyqtyq jumystar jónindegi orynbasary podpolkovnık Tórehan Tólebıuly.
Aldaǵy ýaqytta sarbazdar óz Otanynyń tolyqqandy qorǵaýshysy ataný úshin saltanatty túrde ant qabyldaıdy. Bul is-shara osy jyldyń shilde aıyna josparlanǵan.