Erekshe oıyn, bólekshe kóńil kúı

Jyldaǵydaı jurt­shy­lyq tań aty­symen eli­mizdiń rámizderi or­na­lasqan Qazaqstan taýyna kóte­rilip, Ánuranymyzdy shyr­qady. Qalanyń eń bıik núktesinde kók týdy jelbiretip sýretke tústi.

– Elimizdiń órkendep damýy, kók týymyzdyń máńgi jelbirep turýy úshin bizdeı bolashaq mamandar el erteńine sergek qa­rasa eken deımin. Oqýymyzdy támamdaǵan soń Otan dep eńbek etýge tıispiz, – deıdi avtomattandy­rý ma­mandyǵy boıynsha bilim alyp jatqan stýdent Temirlan Aıtqazın.

Ánuran shyrqaý syndy is-shara oblystyń ár aýdanynda uıym­das­ty­ryldy. Al qyzyqqa toly «Quest-simvol» oıyny О́skemende ǵana ótti. Uıymdastyrýshy qala jas­tary men «Estiler» uıy­my. Buryn-sońdy bolmaǵan tanym­dyq oıynǵa qala jastary qyzyǵýshylyqpen qatysty. Komandalar áleýmettik jeli arqyly kúni buryn tirkelip, qatysýǵa nıet bildirdi. Oıynnyń erejesi de kópshilikti eleń etkizdi. Qysqasha aıtsaq, 3-5 adamnan qu­ryl­ǵan 9 komanda qalanyń ár núk­tesinde sary jeıde kıgen agent­ter­d­i taýyp, jasyrǵan suraq­ta­ryna jaýap berýge tıis. Olarǵa jetýi úshin transporttyń kez kelgen túrin paıdalandy. Birin­shi jetip, jasyrǵan suraǵyna jaýap bergen komanda kelesi agentti izdeý­­ge kirisken.

– Komandalardyń ishinde Asta­na­dan kelgen qonaqtar da boldy. Oıyn Rámizder kúnine oraı­las­tyrylǵandyqtan, suraq­ta­rymyz da qala ishindegi belgili jerlerge qatysty boldy. Dóp taýyp, shapshańdyq tanytqandary mejeli jerge jınaldy. Sharshap-shal­dyǵyp jetken olardy tátti-dám­dimen kútip aldyq. Al jeńim­paz komanda keshki konsertte mara­pattaldy, – dedi is-sharany uıym­dastyrýshy Aıan Qalymbek. Qatysqan toǵyz komanda qalanyń belgi­lengen ár núktesine qaraı asyqqan. Qoıylǵan suraqtar da san túrli.

– Eń aldymen uıymdastyrýshy jastarǵa alǵys aıtamyn. Oıyn óte qyzyqty boldy. Komandamyzben qalanyń ár núktesin aralap júrip, agentter usynǵan suraqqa jaýap berdik. Osymen toqtap qalmaı, taǵy da jalǵasyn tapsa eken, – deıdi oıynǵa belsene qatysqan Arýnaz Ermek.

Rámizder merekesi keshkilik konsertke ulasty. Qorytyndy is-sharada «Quest-simvol» oıynynyń jeńimpazdary marapattaldy. Án áýelep, kúı kúmbirlegen kóńildi kesh bıylǵy meıramnyń núktesin qoıdy.

Shyǵys Qazaqstan oblysy