Pavlodar oblysynda jantúrshigerlik jol apaty boldy, dep habarlaıdy Egemen.kz.
Qaıǵyly oqıǵa 5 maýsym kúni Pavlodar-Aqsý tas jolynda saǵat 16:30-17:00 aralyǵynda bolǵan.
2009 jyly týǵan kámeletke tolmaǵan bala skýtermen shyǵystan batysqa qaraı bet alǵan. Aqsý qalasynan shamamen 3 shaqyrym jerde transportty basqara almaı, joldyń oń jaq jolaǵynda turǵan «KamAZ» markaly avtomashınanyń artqy bóligine soǵylǵan. «KamAz» «Qazavtojol» JShS-ne nemese «Kajservıs DEÝ-62» JShS POF-na tıesili bolýy múmkin. Belgili bolǵany, shuńqyrdy aınalyp ótpek bolǵan «KamAZ» joldyń shetki bóligine jyljyǵan.
Apat saldarynan 2008 jyly týǵan kámeletke tolmaǵan jolaýshy oqıǵa ornynda qaıtys boldy. 2009 jyly týǵan skýterdiń júrgizýshisi Pavlodardyń birinshi qalalyq aýrýhanasyna jetkizilip, esin jımastan kóz jumdy. Kámeletke tolmaǵan eki oqýshy da Aqsý qalasy №2 orta mektebiniń 9-synybynda oqyǵan.
«KamAZ» ben skýter aıyppul turaǵyna jetkizildi.
«Pavlodar – Aqsý avtojolynda kámeletke tolmaǵan skýter júrgizýshisi men onyń jolaýshysy qaza tapqan JKO faktisi boıynsha qylmystyq is qozǵaldy», dep habarlady oblystyq Polısııa departamentiniń baspasóz qyzmeti.