Almatyda 12 maýsym saǵat 00:00-den 14 maýsym saǵat 08:00-ge deıin sý qubyry jelilerindegi tehnologııalyq jabdyqtardy aýystyrý boıynsha josparly profılaktıkalyq jumystar júrgiziledi, dep habarlaıdy Egemen.kz.
Osyǵan baılanysty Jetisý aýdanynda Rysqulov – Lobachevskıı – Seıfýllın – Aqpaev kósheleriniń boıynda sýyq sý berý ýaqytsha shekteledi.
Jumys kezeńinde Túrksib aýdanynyń bir bóliginde Rysqulov dańǵyly – Seıfýllın dańǵyly – Jumabaev kóshesi – Jansúgirov kóshesi kontýrynda sý qysymynyń tómendeýi kútiledi.
Jabyq klapandardy jáne basqa da tehnologııalyq jabdyqtardy aýystyrý boıynsha jumystardy ýaqytyly aıaqtaý osy aýmaqtardaǵy tutynýshylardy sapaly jáne turaqty sýmen qamtamasyz etýge múmkindik beredi.
«Áleýmettik nysandarǵa sý avtosısternalarmen jetkiziledi. Májbúrli ýaqytsha qolaısyzdyqtarǵa túsinistikpen qaraýlaryńyzdy suraımyz», dep habarlady «Almaty sý» MKK.
Qyrmyzy JUMAǴALIQYZY,
EUÝ stýdenti