Eki aptadan keıin Qazaqstanda joǵary oqý oryndaryna qujat qabyldaý bastalady, dep habarlaıdy Egemen.kz.
2024-2025 jyldary elimizdegi joǵary oqý oryndaryna 78 219 grant bólindi. Bólinetin granttar sany jyl saıyn artyp keledi. Máselen, 2021 jyly bakalavrıatqa 56,5 myń grant, 2022 jyly – 61 myń grant, 2023 jyly – 73 myń grant bólindi.
Granttardyń basym bóligi aqparattyq-kommýnıkasııalyq tehnologııalar salasyndaǵy tehnıkalyq bilim berý baǵdarlamalary men mamandyqtarǵa berildi.
Osylaısha, búgingi tańda eń kóp granttar kelesi bilim berý baǵdarlamalaryna bólinedi:
«Mashına jasaý, óńdeý ónerkásibi, qurylys ındýstrııasy» – 19 344 grant; «Pedagogıka ǵylymdary» – 13 735 grant; «Aqparattyq-kommýnıkasııalyq tehnologııalar» – 10 903 grant; «Jaratylystaný, matematıka jáne statıstıka» – 8 288 grant.Basqa mamandyqtarǵa keletin bolsaq, olarǵa memlekettik granttar kelesideı bólindi:
«О́ner jáne gýmanıtarlyq ǵylymdar» – 1525 grant; «Áleýmettik ǵylymdar, jýrnalıstıka jáne aqparat» – 1025 grant; «Bıznes, menedjment jáne quqyq» – 1145 grant; «Aýyl sharýashylyǵy jáne bıoresýrstar» – 2311 grant; Veterınarııa – 974 grant; Túrli qyzmetter – 1989 grant; Densaýlyq saqtaý – 2335 grant; Heriot-Watt (Jubanov atyndaǵy ARÝ) – 300 grant; «Voshod» MAI (Baıqońyr) – 45;Aıta keteıik, buǵan qosa respýblıkada:
jańadan qurylǵan jáne batys óńirlerdiń jastaryna jetekshi joǵary oqý oryndarynda oqýǵa arnalǵan maqsatty bilim granttary – 5 myń grant; «Serpin» – 3,9 myń grant (eńbek resýrstary artyq ońtústik óńirlerdiń jastaryn oqytý jáne olardy Qazaqstannyń shyǵysynda, soltústiginde jáne batysynda jumysqa ornalastyrý); kolledj túlekterine qysqartylǵan oqýǵa granttar – 4,2 myń grant.Sondaı-aq 2024 jyly oqý aqysyn ishinara tóleıtin saralanǵan granttar alǵash ret engizildi. «Pedagogıka ǵylymdary» jáne «Áleýmettik ǵylymdar, jýrnalıstıka jáne aqparat» baǵdarlamalary boıynsha 150 saralanǵan grant bólindi.
Taǵy bir aıta keterligi, bıyl magıstratýraǵa túsýge 13 myńǵa jýyq, al doktorantýraǵa 1900-den astam grant bólindi.
Qyrmyzy JUMAǴALIQYZY,
EUÝ stýdenti