ASTANA. 16 qańtar. Germanııa kansleri Angela Merkel Berlındegi musylman jamaǵaty uıymdastyrǵan mıtıngke qatysyp, ıslam dinine baǵyttalǵan qarsylyqqa qatysty óz oı-pikirin bildirdi. Bul týraly muslim.kz habarlady.
«Islam dini Germanııanyń ajyramas bir bóligi», – dep málimdedi Angela Merkel.
Sondaı-aq, keshe Brandenbýrg qaqpasy aldynda 28 musylman uıymynyń basyn biriktirgen Musylmandar ortalyq keńesiniń uıymdastyrýymen «Lańkestik bizden emes» atty jıyn bolyp ótti.
Musylmandardy qoldaý maqsatynda uıymdastyrylǵan sharaǵa Germanııa prezıdenti Ioahım Gaýk te qatysty. Osylaısha, I.Gaýk pen A.Merkel jáne nemis musylmandarynyń kóshbasshysy Aıman Mazek bastaǵan top fransýz elshiliginiń aldynda bir mınýt únsizdik jarııalap, qurban bolǵandardy eske aldy.
Aıdar О́risbaev.
Derek: muslim.kz.
Sýret: info-islam.ru